KUKKI Chin Palek Pasal Nih A Hruai Hna I Tamu Palek Sakhan An Doh

Kukki Chin Palik Pa nih a Hruai hna i Tamu Palik Sakhaan an Doh, Palik 5 an Thah Hna-Tamu khua ah CDM ah aa telmi Kukki Chin miphun palik Thong Hao Gin (kum 25) nih mipi a hruai hna i April 1 chun ah Tamu palik sakhaan an doh, tiah theih a si.

Thong Hao Gin nih kutcheh bomb (grenade) pathum a ken i palik sakhaan an vung doh i palik 5 an thah khawh hna. A rauh hlan ah ralkap nih Thong Hao Gin te cu an rak kah hna caah an dohmi palik sakhaan he meter 200 hrawng a hlatnak hmun ah Thong Hao Gin cu a ttang ah meithal nih a khen i a nunnak a liam.Thong Hao Gin ruak cu nihin zinglei sml. 9:00 ah an vung char khawh i zanlei sml. 2:00 hrawng ah ruakvuinak an tuah, tiah kan theih.The Chin Journal,April 2, Yangon (Myanmar Now)

Thawngpang dang relchap; March 6, ralkap nih mipi sin in uknak an fir ni 34.nak i Norway Suu Kyi Daihnak Pangpardum in kan biacah cu CDM a tuah rih lomi kan miphun hawi vialte ralkap duhning in um ti lo in ralkap uknak a dodaltu rammi ting-thongsawm sinah i tel ve cang ti hi a si ko.

Cun CDM a tuah tharmi hna kha cozah inn pekmi in ralkap nih an tthawl hna tikah khuami nih rak hlawm hna ding le India-mizoram i a tlimi hna India cozah nih a khirh hna lo nakding ah India cozah/embassy ah rak aukhuan hnawh ve hna ding hi a si. – Bawipa nih in veng ko hna seh.