Kum 17 Dan Ah A Chuak Tawnmi Cicadas ( Thareng Bantuk) Cu Tukum Hi An Chuah Kum A Si

Kum 17 dan ah a chuak tawnmi cicadas ( Thareng bantuk) cu tukum hi an chuah kum a si i, US nichuah lei state 15 ah vawlei tang in an hung pawt lulh hna. Million in Billion tiang an chuak kho ti a si. Thingkung le hramh kip ah an ifu.

Fa an ngeih in an thi colh an fa hrinmi cu vawlei tangah an lut than i kum 17 a um than lai i, kum 2038 ah an chuak than te lai.   A hnu bik an chuah kum cu 2004 ah a si. Dum tuahmi nih cun nan hmuh cio lai.

 Vawlei tang in awng an vih i an chuak thluahmah. Minung caah ttihnung cu a si lem lo. Mi cheukhat nih cun BBQ ah an rawh i an ei ti si. Zu nih ei an duh caah zu zong an karh kho ti a si. Cuccah nan hmunthur pawl hmunthur chiahnak a si lomi, leng ah zanriah ter lo ding a si lai.

Cicadas an chuahnak states hna cu Delaware District of Columbia, Georgia, Illinois, Indiana, Kentucky, Maryland, Michigan, Ohio, New Jersey, New York, North Carolina, Pennsylvania, Tennessee, Virginia le West Virginia a si.