Kum 62 Nu upa Ralhrang Min Min Soe nih a tlaihhrem
Shan Ramkulh Chaklei Kutkai (Kuatkhine) Peng Namtphalone khuami kum 62 tluk Nu upa pakhat cu Pekhon (Phekhung) ralkap No.336 in Min Min Soe nih a tlaihhrem, tiah theih a si.
Facang le Kawm (Fangvoi) duum ah nu pahnih an kal i pakhat hi vok rawl a kawl kar ah Min Min Soe nih cun meh kan hal tiin a va kalhnawh i a tlaihhrem hi a si.
“Thil adik ning in dantatpiak ding ah an ralbawi zong minung pakhat nih a va ton. Ralbawipa nih ngaihthiam a rak hal. I remthat ding in a rak nawl nain sualtuahtu hrimhrim dantatpiak ding hi a va chim ve,” tiah khuami pakhat nih a chim
“Atulio boruak ruang ah tazacuai nakding lam a har caah mizapi hmai i sualtuahtu nih a nawl lo ahcun Nu Covo kan ngeih mi zeirel lo a si pin ah Nu kan himlonak a lang chinchin i thinphang ngaingai a si,” tiah nu pakhat nih a chim fawn.
Aluancia June 10 lio zong ah Phungkinu kum 14 tluk cu Ralhrang pakhat nih a rak tlaihhrem i nihin tiang sualphawtnak tuah le dantat a um rih lo.#Crd ရွှေဖီမြေ-KTM #PhotoReuters
The Hakha Time
Leave a Reply