Ks. 5000 ca le Ks. 10000 ca a thi lai timi hi thawng dik lo a si.Mizapi sin ah a linsa ngai mi Ks. 5000 le Ks. 10000 ca a thi lai tiah thawngpang a leeng mi hi thawng dik lo a si tiah Tangka lei uknak tlaitu zung lutlai U Win Myint sin in thawng kan theih. U Win Myint nih, “Tangka a thi lai tiah an timi hi thawng dik lo taktak a si.
Cun, Bank pawl zong phihkhar dih a si lai an timi hi thawng dik lo a si fawn” tiah a chim.Atu bantuk in tangka le Bank kong ah thawngdik lo mizapi sin ah a leen ca ah Center Bank of Myanmar nih cathanh zong a chuah cang.Ram nih phung ning tein a chuahmi tangka cu dik lo le hramhram in hrawh le thihter le thah khawh a si lo tiah 2008 phunghram pi chung zong ah aa tel.crd;The Hakha Post.
Thawngpang relchap President Donald Trump cu February 8 ni thawk in biaceihnak hram an thawk cang lai. President Donald Trump nih a hlanmi sihni lawyer 5 cu nizan zanlei in an i let than. Zeirungah an i let timi fiang in an chimmi um rih lo.Asinain President Trump he an ruahnak a kalh caah a si lai tiah zumh a si. President Trump tazacuainak cu zarh khat lawng a duh cang caah aho nih a sihnih an tuan lai timi a fiang rih lo.
Senator cheukhat nih an chimnak ahcun President a si ti lomi impeachment tuah le tazacuai cu US phunghrampi ah a um lomi a si caah sihni caah phaisa tampi pek a phu lo, democrats pawl nih a tei zong an tei lo dingmi a si caah sihni hlan hrimhrim a phu lo tiah a chimmi zong an um.
Sihni hlan nak caah hin $300,000 tal cu a tlawn lei in a dih lai tiah ruah a si.Senator 100 chungah Democrats le Republican senator minung 50 veve an um, Senator 67 nih a sual tiah vote thlak lawngah President hlun Trump cu sual phawt khawh a si lai. Republican minung 17 nih democrats lei i an ttannak ding lam a um lo.News cheukhat nih cun President Trump nih a sihni pawl cu keimah tein tazacuainak ah ka kal ko lai tiah a ti hna caah atu bantuk in a sihni pawl an i letnak a si tiah an chim.Crd; Salai Lai Ram Thang.
Leave a Reply