Lai Baptist Church, Yangon nih a ni 4nak mizaw Soup an chanh hna
August 7, Lai Baptist Church, Yangon (LBC-Ygn) nih mizaw hna ca ah a ni 4 nak Soup an chanh hna tiah kan theih.
“Nihin Soup caah pechantu cu kan hawi Pu Vai Uk le chungkhar (Australia) an si. Pathian nih thluachuah pe ko hna seh, kan i lawm tuk,” tiah an facebook cahmai ah am langhter.
Nihin August 7 ah LBC-Yangon nih inn 20 ah mizaw 35 Soup an chanh than hna tiah kan theih.
==================
LBC COVID-19 Prevention Committee (CPC) Riantuannak Tlawmpal
————————————————-
CPC komiti cu July 15, 2021 in dirh le riantuan thawk a si. Kan thawkka ahcun cylinder dur 2 tein kan thawk nain zumtu u le nau tanpinak in atu cu mizaw oxygen a herh mi (LBC + Non-LBC) sin ah oxygen liters 5000-6000 kar kan pek cang hna.
July thla tantim in nihin tiang (zarh 2 fai) ah tangka sing 300 hrawng kan hman cang. Pastor Za Uk Sang thithruainak in volunteers mino 9 nih nifatin dinh caan ngei loin oxygen lak le thiar tuanvo an lak i mizaw an chanh hna. Cun, sii-inn le mizaw thloptu tampi nih Covid mizaw an hrial hna lio ah mizaw sin bak ah mah mipum kal in Dr. Za Za, Dr. Jemimah le Dr. Ni Tin Tial nih an thlop hna. Cu pin ah Tele consultation caah siibawi 4 le nurse sayamate an um.
Nizaan August 4, 2021 in mizaw le midamka caah sup kan chuanpiak hna i kan chanh hna. Nizaan cu Butiria buti dawr, (Lily Bawi) nih a chuan he a phawtzamh he a kan tlawmh, inn 17 ca mizaw 30 kan chanh hna. Nihin August 5 hi Pi Mah Cin le chungkhar nih an kan tlawmh i inn 20 ca minung 35 sin kan phan kho.
CPC bawmchantu le tanpitu vialte Pathian nih thluachuah in pe hna sehlaw nan pekchanh mi zong kan hawile a damlo mi caah damnak bawmtu si ko seh.
The Hakha Times
Leave a Reply