June 6 ni ah KIO/KIA nih Shan ram chaklei Lasio peng chung khuabawi, Khuanu khuapa le mipi 200 hrawng cu Nawngpit khuaah ton biaruahnak a ngeihpi hna hnuah Mineyaw peng chung oksuh ukbawi vialte an rian in i din dih dingin an ti hna tiah theih a si.
Hi kong he pehtlaih in khuami pakhat nih Mineyaw peng oksuh ukbawi vialte hi mipi nih kan thim mi hna an si tikah KIA nih a kan ti bantuk kan tuah a si ahcun mipi harsatnak kan tong lai, ralhrangbu zong nih an duh poh in an kan tuah lai ka phang ngai tiah a chim.
KIA nih a ti ning ahcun oksuh ukbawi vialte phuah i khuami nih komiti thar dirh i khuabawi pawl thim than ding a si. Oksuh ukbawi cakhenhnak vialte zong kan sin ah nan kan ap dih lai, kan in fial ningin nan tuah lo ahcun dan kan in tat hna lai a kan ti tiah Mineyaw khuami pakhat nih a chim.
June 10 tiangah Minekyet, Minehet, Minetin, Mineyaw, Mineyang oksuh panga in oksuh ukbawi hna cu an rian in an i din cang tiah Shan News nih a tial. Ref; Shan News
Credit The Chin Post
Leave a Reply