Lasinu Phu nih Hakha miharsa chungkhar 80 sin ah eidin le sii-ai cawknak tangka bawmh
September 6, Lasinu Women Agency (LWA) nih Hakha khua Sang kip chung in harsa deuh chungkhar 80 sin ah sii-ai cawknak siseh, eidin ding cawknak siseh, tangka fang in bawmhnak an pek hna tiah kan theih.
“Kan riantuannak Lasinu Women Agency cu 2015 kum ah kan rak dirh mi a si. Community Care for Emergency Response and Rehabilitation (CCERR) tang ah a um mi Nu lei riantuannak a si. Hakha hrambunh in minung 2000 members he dirh mi NGO pakhat a si. Tutan hi kan ram boruak ruang ah harsa deuh thim in chungkhar 80 sin ah tangka fang in bawmhnak kan pek khawh,” tiah LWA in tuanvo ngeitu pakhat nih The Hakha Times ah a chim.
LWA nih hin a luancia 2020 kum zong ah Thlanglei Chinram khua dangdang hna ah siseh, a bik in Paletwa le Sami ah siseh, bawmhnak an rak pek bal cang hna tiah kan theih.
The Hakha Time
Leave a Reply