Laykaegaw (လေးကေ့ကော်) pawng Behihgalaw(ဘဲဟိကလော်) khuapawng ralhrang phu le KNLA kar kahdohnak ruangah khuachung mizapi hna cu tiva lonh in Thai ram lei ah an zaam i, Thai ram lei ah a phancang mi minung 700 lenghrawng an si cang tiah theih a si.
Nihin zinglei suimilam 9:00 in kahdohnak an thok i kahdohnak chungah ralhrang phu nih hriamngan in khuachung an kah caah khuachung um mipi hna cu an zaam, cu an zaamnak hmun ah khua a sih cang caah angkilum le puan kan herhtuk tiah ralzaam dirhmun in a um mi pakhat nih a chim.
A tu ah Laykaegaw (လေးကေ့ကော်), Thimaewakhi(ထီးမယ်ဝါးခီး), Maetrawtalay(မယ်ထော်တလေး), Behihkalaw(ဘဲဟိကလော်) khua in minung 2000 leng cu ralhrang dirhmun in an phan i Thai ram lei ah a zaam mi hi minung 700 hrawng an si cang tiah theih a si.
The Chin Post
Leave a Reply