Shan – Kayah ramri Luaikaw peng Kone Thar khua pawng ah ralhrang hna cu Karenni a bawm mi phu hna nih an kham hna i an kah hna kahdohnak cu chun Suimilam 12:00 in 5:00 tiang fak ngai in an i kap i ralhrang lei in 30 an thi, 30 hrawng an i hliam.Karenni a bawmmi phu in Phe kone PDF ah 4 le KNDF ralkap chungtel ah 1 an nunnak liam tiah KNDF nih athanh.
Kahdohnak chungah ralhrang hna cu Karenni a bawm mi phu hna nih an kham i an kah hna i hraimnam khat lak a phor mi ralhrang mawtaw cu rawk dihlak in an kah ,ralhrang hn nih atu tiang in hriamngan in an kah rih hna tiah an thanh.
Phe Kone peng, Mu Be hmunhma ummi ralhrang 422 Battalion pawng um Kuang Mai tlang le Mu Be Te tlang um ralhrang riahbuk cu Phe Kone PDF le KNDF a bawm mi phu nih an kah hna i ralhrang hna cu an riahbuk an zaamtak dih tiah KNDF nih a langhter.
Tuni kahdohnak ah a thimi Phe Kone peng mipi ralkap chung tel 4 le KNDF chungtel 1 cu mipi dawtu ram caah nunnak pe mi pasal tha hna tiah kan ti hna i kan ram tuanbia ah philh nan si lai lo i upat nak kan in pek hna tiah KNDF nih an langhter.
The Chin Post
Leave a Reply