February 5, 2022: Upadi Ningin Ti Riangmang I Upadi Zulh Lomi MAH le Ralhrang Cozah Rallokap: U MAH nih Ralhrang Uknak Thla ruk amah tein aachap. 2008 Phunghrampi ningin a ti nain, asilo. Phung a buar bak. Rampi Dohkalhtu a hmuh in penalty thah khawh asi. DASSK cu thiamlo coter in a hmuh tampi he bia a tuah nain amah MAH tu hi phungbuar mi asi.
Kawlte nih Cusin timi Cinsu an ti hi adik bakmi asi. ကြိုးစင် timi hrithlai in thah colh phu hrim hrim asi. Cucu kan Huat caah le athih kanduh caah, siloin, kawlram nih ngeih mi upadi, Phunghrampi le Laws vialte a buar dih. Codes le Acts kanngeih mi vialte a buar dih cikcek. International Laws, Geneva Laws, UN Laws le UN Charter zong a buar dih.
Kawlram Uktu Luban vialte lakah, a sualbikmi MAH le Rallokap an si. Cheukhat Pathian rianṭuantu le Zumhtu hna nih, Pathian hnatlak asiko lai, Bible ah MAH Sualnak kahmuh lo an hung tinak ah hin cun, sivang ko. Shock (sawk) ngahin tlucolh ding in, mipi cu nan kan tuah ko. Rallokap Uknak Thla (6) chap awk ah Kaalung a auh khawh tu cu Tamada asi.
VP Myint Shwe nih Kaalung meeting kawhnak nawl aumlo 2008 Phunghrampi chung ah. Tamada cu thongthlak asi. Tazacuai lio asi. VP Henry Van Thio he an I ton ti zong hi, Kaalung meeting kawhnak le Thlaruk uknak chapnak caah santlai mi asilo. Nan purhdah sawh sawh I asi. Phunghrampi ning in VPs hna ṭuannak nawl a pek hna lo.
Pyidaungsu Hlutdaw fekter nak in Tamada nih Sen a thuh lai, cu hnuah Kaalung Meeting cu Tamada nih a kawh lai, Kaalung biachahnak cu Hlutdaw nih a fek ter ṭhan lai, cuhnu lawng ah Rallokap bawizik Kaachuk nih Thla (6) uknak a peh lai ti asi. Hlutdaw cu CRPH asi I MAH nih Ralhrang a ti fam cuh. CRPH le Tamada Win Myint hnatlak senthuhnak lo in, zeihmanh tuah khawh asilo.
Chimh Ngai loin a pahchih, a tuah chih ahcun, Rampi Dohkalhtu Tupung le Damiah a hmuh in, a hmun ah Ril koin kahthat khawh asi. Naing Ngan Daw Pungkan Hmuh in Penalty thah ding mi MAH asi. Cucaah Tutan ah MAH athah khawh tu cu Rampi khumzualtu na si lehlam. Upadi nih MAH thah ding ah nawl onh mi kan si. Mipi nih cun cohlang cia nan si.
ICC phakpi hau lem loin, Amah MAH le Zawmelung nih mihrut zangtlaih in an I tlaih zungzal mi, Upadi ning in tiah chirhchan an I Lak lengmang mi, 2008 phunghrampi ning in direct in, a hmun ah thah ding mi MAH le Rallokap ansi. Mipi cozah NUG le mipi thimhmi CRPH Zong nih MAH le Rallokap Bawizikhna, a hmun ah thah khawhnak order kha nan chuak hrim hrim a herh.
Cu lawng ah a P.A le Rawlchumtu tal nih an thah ve lai cuh Upadi ning in. Kawl Rallokap nih pekmi hi sau a nguh ballo caah duhding asilo. Cohlang ding zong asilo. Cucu Party vialte nih, Politicians vialte nih, Hruaitu Upa le Pastorte vialte nih kan hngalh hrim hrim a herh. Kawl Miphun nih si rih, Satan Lucifer nakin a sual deuh mi MAH si tih (Satan nih a minung athah hna timi Baibol ah kan hmuh ballot), Khuachia nakin a zual deuh mi Rallokap si rih.
Cucaah Chinmi Kanpa le hna le Mifim tampi hna, Mirum tampi hna, Non CDMers hna nih tampi in khua tuak uh. Upadi ning in, Rampi Tupung hmuh in thah colh ding mi MAH he nan I kawmh caah, nannih zong nannluat ve lo, Upadi ning in. Cucaah Non CDMers hna khi, Tupung hmuh in that colh khawh asiko. Nihin tiang nanluat I nan himi tham cu:
Chinmi nih mah le mah Lainawng kha thlachiat ruatbia tu khi asi deuh. CDF nih Dalaan le Non CDMers hna cu an kan zangfak tuk palia hna. USDP zong kan thah fawn hna lo. Hi an Laitlai Unau thinlung le phuntungtu lungput ruang ah hin, Upat hmaizah usihlaw, an tlinlonak le chambaunak atampi ko lai, soisel in thangchiat duh hna hlah usih,
Chinram le Chinmi phun dawtu nasi Ngai Ngai ahcun; Rallokap minung si nakin, mipi le CDF sin tu ah kirin, I fonh in, pumkhat si cang hna usih. Dohthlennak can a tawi deuh lai I kanram a par zau fawn lai. Kanram le Miphun Zalen ve cang seh, Pathian thawngin. Credit: Saya Rung Kaw
Leave a Reply