MAH Vanlawng Hmual In Luatnak Lam A Um Maw? Luat Khawh Tah A Si lai Maw? (Saya Rung Kaw): Rallokap Nih Vanlawng in ankan kah tikah i khumzualnak lam hna cu: (1) Kahthlak – Vanlawng kahnak le Liangput Dungci (Missle) in, (2) Petrol rawnh awk umloin tuah – Rallokap Sipuazi lam vialte phih dih. (3) Vawnlawng chiah bak hmun hrawk (4) Vanlawng zuang lonak hmun tuah piak (5) Bomh khur cawn (Himnak khur).
Cucaah, CDF kip nih Vanlawng kahnak pakhat cio tal cu ngeih a herh. Liangput Launcher nih vanlawng a kahthlak khawh ve caah CDF kip nih 50 cio tal an ngeih a herh fawn. MAH nih Petrol a cawknak Company nih MAH sinah An Petrol an zuar tilo ahcun adih. Rallokap nih an Vanlawng an chiahnak hmunhma vialte bomb puak hnawh a herh. Kawlrawn um PDF nih ṭuanvo lak siseh.
Meithila, Nipidaw, Monwya, tbk Vanlawng chiahnak hmunhma poah poah hrawk cikcek ding. Vanlawng zuang lonak hmun ah sersiam khawh ding hi abiapi ngaingai. 2021 January thla Ni (20) ah, CNF, KNU le KNPP / KNDF nih, UN le ASEAN ah an hal mi, Vanlawng zuang lonak hmun (No Fly Zone) tuah piak ding a hlawhtlin a herh. No Fly Zone tuah tikah abiapi bik ding cu Ram Innpa ansi.
Ram innpa asimi, Thailand, India le Tuluk nih No Fly Zone kha, a hnu zulhdawi a herh. An kan ṭanhpi a herh tinak asi. Kan ram Innpa cu MAH hawikawm lawngte ansi caah, a hlawhtlin a har ngaingai lai. MAH Raltuknak Vanlawng ruangah harnak a tonmi, Ralzam le Mipi zohkhenh kilvennak le khumzualnak ahcun, hlawhtlin dawh asi. No Fly Zone tuah piak khawh kansi lo ahcun, mipi caah bawmhnak phaisa tampi ara lai tinak asi.
Raltuk pah, Mipi le refugees zohkhen pah, Rallokap Vanlawng mual hrial pah, tbkin, kan nih CDF / PDF cu rian a tam cang lai. Mipi le Khuami tah zeidah an hluan ve hnga? NUG rian, CNA / CDF rian, PDF rian, Ramdang um Chinmi rian, tiah a um. Kan rian cio ah tlamtlin a her ngaingai. Russia Jet Fighter le Helicopter in ankan kah caah, hihna a kahthlak khawhtu Vanlawng kahnak a herh ve.
Ahonihdah an kan cawk piak lai, NUG maw? Ramdang um Chinmi nih? Ramchung um Chin Mirum hna nih dah? Krifabu le Pastorate nih teh, nankan cawnpiak khawh ve lailo maw? Liangput Launcher, RPG, Bomh lianpipi hna zong nankan cawnpiak a herh rih fawn. Phaisa Pawisa tampi a herh. March Thla thawkin, Ramkulh le Ramṭhen (7) ah Vanlawng in kah Hram aathawk.
Ramkulh le Ramṭhen (9) um mi, Pengkulh (43) cu dongcat loin, Raltuknak vanlawng in kah kan si. KNU ram ah CDMers le Refugees aadawr mi cu: March 27 ahkhan, Vanlawng an kah hmasa hna. Mipi 32 an thi i, 86 hma anpu. Vawlei ah, Ke rallokap he raldohnak ah Rallokap a thihmi an tamtuk, Ral an sung lengmang caah MAH nih Jet Fighters le Helicopter a hmang hna.
An hmangkel meithal hmang tilo in, RPG, Liangput Launcher, Sniper, 60MM tbk lawngte, MAH nih a hmang. Khuapi Inn khang awk ah Meikuan an hmang. Hlan btkin meithal he raldoh sisehlaw, MAH kan thluk cang. Puahceh le Thalpat in MAH derhonh asi caah, Mipi duhning tein, kanralpa kan thluk khawhlo.hi asi. Azeidang ruangah asilemlo.
2021 April ah Kachin, May ah Kaya, June ah Chin, tbkin, November Thla ah Sagaing le Magway ramṭhenah, Khuapi le Khuate thlu loin, kha dogcart loin, Vanlawng in kah asi. Rallokap nih an hmangmi Vanlawng phun vialte Russia ah a cawkmi lawngte asi. K-8, YSK 130, Mi35, Mi2, Mi17 hna hi MAH nih a hmang bik mi Raltuknak Vanlawng ansi. December Thla chungah Karen, Kaya, Sagaing, Magway ah voi(15) khelte vanlawng in akah hna.
2022 January zarhkhat nak ah, Karen, Kaya, Sagaing, ah voi (19) bak vanlawng in akah. MAH hmangmi hriamnam hi 53% cu Tuluk in, 27% cu Russia in a cawk mi asi. CDF le Russia / Tuluk raldoh phun asi cang. Japan le Singapore tuhi, Raldohnak fimthiamnak a cawnpiak tu ansi. UNSC nih MAH Hriamnam zuarlo ding tmi Duncan an zulh duh ve lo. Ukraine le India ah a cawkmi Hriamnam cu a hmang rihlo. Bukbau ah aa chiah ziar ko.
EAOs hna he Raldoh lio hmanh ah Vanlawng hi voi (2-3) hlei a hmang bal lo. CDF / PDF he raldoh vialte vanlawng ṭha ṭha, he voi tamtuk a kah hna. Tampi a cawk i, cawk chap aatim rih. Hihi khua tuak lo awk a ṭhalo. Meithal he raldoh asi tilo caah, ahlan kan twin, kan i zalh cia mi, Meithal vialte santlailo tluk kho asi cang.
Hmailei Raldoh caah poah Jet Fighter he, Van le Vawlei I kah ding kansi. Vanlawng a hmang lo ahcun, 60MM, Sniper, RPG, Liangput Mipi le Dungci, bomb lian pipi a hmang lai. Hi vialte Rallokap Hriamnam hi nan kan cawk piak khawh ve ahcun, MAH le Ralhrang phu hi, can rua lo Te ah, an cihmih asi ve hnga. Nan kan cawk piak khawhlo ahcun, Dohthlennak can asau ve lai.
Kannih cu hnu kir loin, hmai kan nawrh ko lai, Anasin an thlak cikcek tiang, Ralhrang an cihmih asi hlanlo tiang, Federal Democracy kan ngah hlanlo, Kan Ram le Miphun a zalen hlan lo, Kanram le Krifa Adam hlanlo, raldoh zungzal asiko lai. Reithei vansang au can a tawi khawh bak hnga, Vanlawng in raldohnak TEITU HRIAM Phuntling kannbawmh Hram uh.
Salai Ceu Bik Thawng nih Thantlang peng 90% leng CDF kut ah aum cang. Salai Ram Tinthei nih Chinram cu CDF kut ah a um cang, tiah an langhter mi hi, Software in asi. Kutin tawng khawh lomi Software asi. Hardware timi Raldoh in TEINAK tu cu: ara cuahmah lio asi. Chinram kan Lak khawh ahcun (Hriamnam in), NUG nih Cozah dirhnak hmunhma a ngei ve cang.
Than ah, can tawi deuh ah Paucan Dohthlennak adih ve lai. Federal Democracy zong kan ngah than lai. Anawratha Operation Mission (Anawratha Raldohnak nak ~ Crusade tbk min put) cu Chinram le Chinmi Cihmih uh tinak asi. Vanlawng an kan kah hnu ah, hrawk dih cikcek, Mei duah dih cikcek, thah dih cikcek, for dih cikcek, Khua Ṭhoi dih cikcek, Ukpen dih cikcek, cawl khawh loin tuah dih cikcek, tbkin CIKCEK Theory he ara mi RALLOKAP le MAH ansi.
Chinram le Chin Miphun Himnak le Khumzualnak naduh ahcun, Rallokap Raltuknak Vanlawng kahthlak khawhlo ahcun; asi khawh ding asi ti lo. NUG nih 2022 cu MAH TEI cikcek kum tiah an thanh cang. MAH nih Pohma (425) le Pohma (417) ning in thlaruk Lakhruak uknak a Lak ve. Paucan ah CDF / PDF le Chinram hloh dih aa timh.
Chinram le Chin Miphun khumzualtu Chin Ralkap bu nih, hriamtling ngeih a herh btkin, Rallokap Vanlawng kahthlak bak Hriamnam hna hi kan herh bik ko hna rua tiah, Agenda ka chuah pi. Vanlawng kahnak a umlo ahcun; Dohthlennak can asau lai, nunnak tam deuh a liam lai, a rawkral mi le khua rawp atam deuh lai, Mipi hnabei a dong khawh, riaklang va an karh lai.
Kan ngawl lai tinak cu asi lo. Cucaah CDFs bawmhchantu vialte nih, cunglei ah ka langhter mi Vanlawng Kahthlaknak Hriam kha, zalh piak le cawnpiak a herh hrinhran ko. Credit: Saya Rung Kaw
Leave a Reply