malaysia nih myanmar mi thawngkhat le zahnih hna cu kawlram ah ka kuat than dih hna lai tiah bia a chim cang nain, ralkap nih kawl cozah an lak hnu ah UN nih malaysia cu, kawlram mi hna cu kawlram ah kuat rih loin Malaysia ah um ter rih chung dih ding in bia a cah. myanmar ralkap nih raaltuknak tilawng Navy Ship Pa thum cu malaysia i a um mi kawlram mi hna laak nak ah ka rak thlah lai i myanmar ram mi ka kir pi dih hna lai tiah ati i Malaysia nih cun kuat ding in a timh cang hna. mah bantuk in ralkap ih thil ruah aa timh mi hi a voikhatnak bak asi.
Ka ram in a rak zaam mi pawk kha ka rak lak dih hna lai tiah a ti. Kan theih cio bantuk tein Malysia nih cun UNHCR cu 2019 August thla ah khan an rak dih ter cang i, ralzaam a ho hmanh an la duh ti hna lo. Malaysia ram cu an strict ve bantuk in, Passport le Malay ah umnak ding ah document hmaan a ngeih rih lo mi paoh cu an tlaih dih hna. Kanmah Chin ralzaam zong tampi an rak tlaih hna ti kan tehih.Malaysia nih a ram ah um a awnh hna lo tik ah kawl ralkap nih ruah lo piin a tuah bal lo mi cawlcanghnak hi a rak ngei ve.
Lung cu a hring Ngai ngai. 154,000 kawlram mi nih hin Refugee sawk ding in Malaysia ah an um ti theih asi. Cu hna cu Chin, Kachin le Muslim Rohingya hna hi an si hna. Thawngkhat le zahnih an tlaih mi hna cu Malaysia Immigration Detention Centers ah an chiah ko hna. Kawl Ralkap nih a Raltuknak Tilawng pi cu an mah rak lak dih ding ah February 12 ah Malaysia phan ding in a timh hi asi. James Bawi Thang Bik, Malaysia Chin Refugee chung in zung lei he pehtlaihnak a ngeih mi nih “Malaysia nawl ngeih tu hna nih hin UNHCR nawl ngeih tu chonh in, Refugees a sawk mi pawla hmuh rih lomi hna hi tah an kuat hna lai maw kUAT HNA Lai lo tiah bia tha tein i ruah hna seh’ tiah a duhnak a chim.
kawlram ah an kan kuat dih ah cun thawngah an kan thlak lai i a thah hmanh an kan thah lai tiah a chimchap. Kawlram Ralkap nih mah bantuk in ruah lo piin a timh lamh tik ah hin ruah ding a tam ngaingai , thawng zong ah a thlak kho hna a thah zong a thah kho hna, sihmanhsehlaw aa tinh mi cu a chim rih lo. Ka raltuk nak tilawng pi Pathum kawlram mi hna laak tu ah ka rak thlah lai ti long in Malayria sin ah a chim rih. Rohingya pawl cu kirpi aa tim hna lo.CRd;Reuters
Leave a Reply