Manipur state chung India le Kawlram ramri tung 81 ah ramri khamnak an tuah mi kongah buainak a um ruangah ramri dik hlathlainak tuah hmasa dingin Manipur Democratic Alliance chairman Bijoy Koijiam nih a chim.
India le Kawlram ramri border pillar 81 nak cu a hlan a umnak hmun nakin kilometer 3 in India lei thawn a si ruangah hi kong hi tha tein hlathlai le ceih ta hnu lawngah BRTF nih an kulh lio mi hau cu pehzulh dingin United Committee Manipur (UCM) nih atu bantukin hlathlainak hi kalpi dingin timh a si.
UCM chairman Joychandra Konthoujam hruai mi hna nih nai ah Tengnoupal i Kwatha Khunou area chung BP 81 an zohfelnak an ngeih hnuah Manipur cozah cu mah ramri dik lo mi hi cohlan khawh a si lo nak le, tha tein zohfelnak tuah dingin a chim.
Hi ramri haukulh kong he pehtlaihin Manipur mipi nih a hlanpi in an duh lo ning an rak langhter bal cang mi a si tiah theih a si.
Hi kong he pehtlaih in Border Security Force (BSF) hna cu India le ramdang ramri a vengtu ding an si bantukin BSF nih tuanvo tampi a ngei tiah MDA chairman Bijoy Koijam nih a chim.
India le Kawlram ramri kong he pehtlaihin 2018 ah khan India foreign minister, home minister le rian ngeitu hna tel mi ramri committee nih zohfelnak an ngeihcang nain atu tiang zeihmanh felfai tein biachahnak an ngei kho rih lo tiah Manipur mipi nih an chim.
The Chin Post
Leave a Reply