ministry of health and sport nih achim ning ah cun, kawlram ah hin nikhat ah covid-19 in a zaw mi cases thar an hmuh mi hi sawmkua le paruk hrong (96) an phan ti asi. cu caah kan i raling ngai a hau, voikhat lio nak hmanh khan kan i ralring a hau taktak, a ruang cu rampi buai ruang ah siizung zong thitha kan ngeih lo. Pathian tu nih kan um pi hram ko seh.
Thawngpang dang relchap rih: SAC ralkap nih Rev. Dr. Peter Za Hlun Thang te sianginn an luhhnawh, faak ngai in an velh hna-May 26, 11:00 pm Yangon Hmawbi um Rev. Dr. Peter Za Hlun Thang sianginn cu SAC ralkap nih an luhhnawh hna i a fapa, saya Pa Sui le midang pa thum zong faak ngai in an velh hna, tiah kan theih.
“An phone an check hna i, a fa pa nih Miss Myanmar a rak share mi post pakhat ruang ah fak taktak in an velh. Rev. Dr. Peter Za Hlun Thang zong khukbil ding in voi hnih an ti nain, a duhlo pin ah, nan lung si tiang in rak kan check uh, sualnak kan tuah mi pakhat hmanh a um lo a ti hna.
Rev. Dr. Peter Za Hlun Thang te chungkhar hi atulio kan ram a har lio ah misifak le miharsa hna sin ah an si khawhtawk in bawmhchanhnak petu an si pin ah Chinmi ralzam hna zong a zuanhnawh mi an si i, hi bantuk in sualnak ngeilo an luthnawh hna i an naule tiang an velh (kutthlak) mi hi cu lung a fak taktak,” Rev. NC Thawng Tha Thang nih a facebook cahmai ah a tial. Tutan an luthnawh hna hi Hmawbi ah sianginn kai kho lo ding in a cawlcang mi hna lak ah Chinmi an um tiin report tu an um ruang ah ruahdamh in an luhhnawh hna hi a si, tiah kan theih. NC_TTTfb
Leave a Reply