Pathein Thonginn In Ramkhel 11 An Chuak Myitkyina thonginn in Thawng La Tu 5 An Chuak: Irrawaddy ramthen, Pathein thonginn ah tleih i chiah mi ramkhel thongtla 11 cu October 19 ni ah ahmuh a dih i an chuak cang tiah theih asi.
Pathein thonginn ah tleih a tong mi hna Pathein peng le Tha Puang peng ah Palai hna, ram kong ah biatak tein a cawlcang tu hna le thawngla tu media rian tun hna an si. Media riantuan tu hna cu an chuah rih hna lo.
Kachin ramthen ,Myitkyina thonginn ah tleih a thong mi thawngla tu hna cu October 19 ah an chuak cang. Phakanh um ALuattan thawngla tu Ko Nuang Yu cu nizan Suimilam 6:00 tiang an thlah rih lo tiah chungkhar sin in theih asi.
Kachin ramthen chung in thawngla tu le thawng tial tu nan si tiah puhmah 505(A) in n tleih mi Myitkyina Thadin Journal ah Mah Myo Myat Myat Pan, Ko A Je, Chirstofa, The 74 Media ah Mah Chan Bo, Kachin Wave ah Ko Lah Zaw hna minung 5 cu Myitkyina thonginn in an luat cang. Ref: DVB
Myeik Ah NLD Party Pengkomh Zung Bomb A Puak: Thanintharri ramthen, Myeik khuapi, Tatpin Um NLD party pengkomh le peng zung ah October 19 ni zaan ah bomb apuak tiah kan theih.
Mah Zan Suimilam 12:00 hrawng ah NLD Party zung dot 3 sak mi cu theihlo mi bu pakhat nih ra in bomb an rak puah tiah kan theih. Bomb a puah ruang ah zung inn vampang le thlalang aung hna cu n rawk i minung a hliam mi n um lo tiah kan theih.
“Puah keh nak cu a tang tuk aho nih a puah kan thei lo. Asinain nizaan ah USDP pa pakhat thah asi ruang ah a si lai tiah kan lung hrinh. Myeih khuapi ah hin thahnawn nak a um lo nak hi a sau ngai cang “ tiah khuami pakhat nih achim.
October 19 ni zing ah Myeik Khuapi lamtonnak pawng ah Computer dawr hmai ah Myeik peng USDP party tawlreltu U Thing Lin (B) U Thing Win cu meithal in kah thah a tong. Ref: Than Lwin Times
Meithal kuan nih a hliam i a ke tan piak asi mi Ko Paul Min Lun a luat cang: Sagaing ramthen, Kalaymyo, Tahan veng AG biakinn hmai ah ralhrang nih March 27 ah hriamngan le hriamhme in an kahhna nak ah Ko Paul Min Lun(kum 20) cu a ke ah kuan nih a hliam i,ralhrang sii-inn ah a ke an tan piak.
Ralhrang nih pohmah 505(a) in taza an cuai i October 19 ah Kalaymyo thonginn in a chuak. Kalaymyo thonginn in,nizaan ah thongtla minung 60 leng luatnak an hmu. Ref: Zalen
Kalaymyo Veng Cheukhat Ah Myitharmyit Tiva A Liam: Kalaymyo nichuahlei ummi sang thenkhat ah nizaan October 19 zaan in Myittamyit tiva ti a lut cang tiah theih asi.
Myittharmyit tiva ti a luhnak sang cu Ngiangpunthar sang le Ohphu hna ah an si. Chinram chung ruahpi faaktuk in a sur caah tu bantukin ti a than hi asi. Tiva a hnalei cu tlawmpal a zor deuh cang tiah kan theih. Tiva ti a thang, Sang cheukhat ah ti a luang nain inn tthialkam nak tiang cu a chuak hraw rihlo. Ref: Zalen
By. Flowery Par
Leave a Reply