Mindat Ah CDF Le Ralhrang Kar Kahdohnak A Chuak

Mindat Ah CDF Le Ralhrang Kar Kahdohnak A Chuak

Chin ramkulh Mindat peng Khuai Ring khua ah Dec.22 zanlei slm.2:00 hrawng ah Mindat-CDF le ralhrang kar kahdohnak a chuak i ralhrang lei in pathum(3)an thi pa nga(5) hliam an bu tiah Mindat peng Pah-ah-phah (ပ.အ.ဖ) thawng zamh phu sin in theih a si.

Kahdohnak a dih in Khuai Ring khua i um hmun a khuar mi ralhrang pawl cu Tha Lawng khua lei a rak kai mi ralhrang pawl hen i fonh in Min Chi Tlang ah hmun an khuar tiah theih a si.

Relchap : Kachin ramkulh Putao khuapi Mansii khuafonh Manpan khua pawng ram tangah mipa pakhat kum 26 cu a ruakin an char tiah thawng theih a si.

Manpan khua ah kum 2021 Dec 21 zaan suimilam 9:00 hrawngah mipa pakhat cu a thi cia in an hmuh tikah amah minung cungah hliam tuarmi pakhat hmanh umloin a thi tiah zatlang bawmchannak petu phu ah tuanvo ngeitu pakhat nih The 74 Media ah a chim.

Zaan khua dei cuka ahcun a thi ding dawh a si i, a thih ning hi ritsi hman ruangah a thi maw? asiloah covid -19 zawtnak hrik ruangah a thi maw timi hi ruah ding a um ngaingai tiah amah nih cun a chim.

A thimi pa cu Aout San Kyaung khua ah a ummi kum 26 simi Ko Wa Daam Kyaung Khin Khin a si tiah amah nih cun a chim.

Kachin ramkulh Putao peng chungah hin SAC ralhrang ralkap nih nawlngeihnak a laak hnu thawkin ritsi a hmangtu an karh chinchin tikah ritsi hman ruangah a thimi zong an tam ngaingai cang tiah thawng theih a si. Cred : The Federal Times