Mindat Khuapi Cu Raldohnak Helicopter Pahnih Nih A Hel Len Cang

Chin ramkuh Mindat khuapi ah May 14, chunhnu in mipi vengtu ralkap le rallokap i kahdohnak a fak ngaingai tiah khuami sinin theih a si.Kahdohnak kongah Mindat peng mipi uktu bu nih “Nichuahlei khualuhnak le nitlaklei khua chuahnak zawn, pahnih in an phih i an kan kah. T

anglei kahdohnak a fak ngaingai. Nichuahlei ah palik sakhan, nitlaklei ah battalion-274 hna nih sniper in a kan kah tikah hliam a tuarmi phurhthiarnak le bawmhnak kan tuah kho lo. Khuahcung zongah hriamngan hmangin a kan kah, sniper in lam a kalmi zong an kah hna tikah mipi nunnak a him ti lo” tiah cathanh an chuah.Cu lawng si loin Mindat khuapi cu May 14, zanlei 3 hrawng khan raldohnak Helicopter pahnih nih a hel len tiah khuami hna nih an chim.#Than Lwin Khet

Note: Raldohnak Helicopter pahnih nih a helmi hi ralrin peknak a si tait ka hmuh. Cun cunglei in kahnak hmunhma remcan an zoh zong a si kho. Rallokap lei hi a sung dingmi dirhmun ah um hna sehlaw cunglei in an kah colh lai.

Pumpak ruahnak: Chin ramkulh ah cun Mindat hi kahdohnak a zual tukmi a si caah hmundang i CDF zong nih siseh, CNA zong nih siseh zuanhnawh le bawmh ding hrimhrim an si cang. Mindat a sungh cu Chinmi kan sungh a si. Mindat mipi an tuar cu Chinmi kan tuar a si.