“Mindat-Matupi karlak ah kan Kap Hlah U” tiah SAC Ralhrang nih Matupi ah Loudspeaker in an Au

Mindat le Matupi karlak ah rak kan kap hlah u tiah SAC ralhrang nih nihin zaanlei ah Matupi khuachung ah Loudspeaker in an au.

“Mindat-Matupi karlak ah lam a cimmi kan remh lai caah rak kan kap hlah u. Na kan kah hmasa lo ahcun zeihmanh kan in ti hna lai lo. Khua pawl zong harnak kan pe hna lai lo,” tiah an au.

Nihin zaanlei ah Kyaukhtu ah a phanmi SAC ralhrang thazaang i tthen in thaizing lei ah Kanpetlet, Mindat le Matupi lei ah an kal lai, tiah an zumh.

Relchap : Falam Khua ah SAC Ralhrang Motor 21 le Tank Pakhat an Phan

Nihin zaanlei sml. 3:00 hrawng ah Falam khuachung ah SAC ralhrang motor 21 le raldohnak Tank pakhat an rak lut cang.

Nizaan ah Lumbang ah motor 50 leng an phak caah a taangmi pawl hi a rauh hlan ah Falam ah an phan tthan kho.

The Chin Journal