Minkin ah ti lam in a rak rami SAC ralhrang phu le Pyosawhti phufonh hna cu Minkin PDF phu nih a thli in an kah i ralhrang phufonh lei in 20 leng an thi tiah theih a si. Thil sining cu, Chindwin tiva thluan an tum lei in a rami SAC ralhrang phu ngeihmi Yan tilawng (Seh-hlei) hna le khat lei tiva kam a cawngtu Pyosawhti phu pawl cu
Nihin February 2 ni ah a thli thup in doh an si i SAC ralhrang phu le Pyosawhti phu fonh lei in 20 leing an thi tiah Minkin PDF phu nih thawngthanhnak an tuah hi a si. “SAC ralhrang phu lei in an mithi ruak pawl cu tilawng in an kalpi hna. Nain a tlawmbik 20 leng an thi lai. Kahdohnak caan a sau i, an hmanmi hriamnam a tam ngai.”
“Cu khatlei tiva kam in kah ve ding ah hriamnam ngan an bunh len ve. Pyo-Dalan (Pyosawhti) pawl nih khat lei in hriamnam ngan in an kah bawmtu ding an um ve. Anmah phu pawl zong kanmah lei nih Sniper in an kah ve tikah Pyo-dalan 7 hrawng an thi ve” tiah Minkin PDF phu nih Yangon Khit Thit Media ah an chim hi a si.
SAC ralhrang phu pawl a thli tein an doh khawhnak ah Minkin PDF phu nih ni 8 chung timhtuahnak an ngei cang i, SAC ralhrang phu ngeihmi Yan tilawng hi thilri thlahmi le khinhmi a tam tuk nak ah a ni an rau caah nihin chun suimilam 1 hrawng lawng ah an doh khawh hna tiah theih a si. “A hmasa ahcun anmah tilawng ummi hna nih,
Kanmah kan umnak hmunhma an theih dih. Anmah lei nih an kan kah hmasa. Kanmah lei zong nih anmah nih an kan kah cuahmah lio ah an kan ve hna. I thup pah in kan kah hna tikah anmah lei nih kah ve khawh lo ding dirhmun kan phan. Tilawng pawl meikhu khat dih ding in kan tuah hna. Atu hi kanmah umnak he aa hlat tuk lonak khuate pawng ah an tilawng an dirter” tiah,
Minkin PDF lei nih kahdohnak sining Yangon Khit Thit Meidia ah an chim hi a si. Atu hi SAC ralhrang phu pawl cu an tilawng rawkmi remh ah caan an la kho men tiah ruahdamh a si. Cu kahdohnak ah Minkin PDF lei in hliamtuar le a thimi um hraw loin tluang tein hnu an tolh kho tiah theih a si. Ref: KTM
Leave a Reply