Hakha pastor hna nih khuachung i kah ahcun inn a kang dih sual lai, kan hrial piak ko u tiah Hakha CDF an rak nawl hna i tutiang cu kan khualipi chung ah i kahnak a um hraw ti lo. A vun dai ngai cang, ralzam zong an kir pah cang. Thantlang ah cun khuachung ah i kah an hrial lo leng ah Thantlang CDF le CNA nih khuachung bak ah hmunhma an lak.
Inn lakah an i thup. An i kap caan bomb an hman tikah inn a kang colh lengmang. Lungfim upa zong nih khuachung i kah hrial ding nawlnak pakhat hmanh a um bal lo, kah ding rumro an forh hna. Ngaihchia ngai a si. Ai domi ralkap phu pahnih nih khuapi pakhat ah hmunhma an lak veve i an i kap lengmang ahcun cu khuapi a ciam dih lai ti cu,
Ngakchia bawhte hmanh nih fiang tuk in a theih lai. Ral biatak deuh in an i tuk nak khuapi a him ti a um bal lo, khawika ram hmanh ah. Lam i palh sual caan ah ka palh tiin palhmi lam kaltak in a tha deuhmi lam thar i thim than kha i nautat awk a si lo, miphun ca asi. Kan miphun ralkap nih khuapi lak taktak nan i tim hlan chung cu khuachung i kah kan hrial piak cang ko u.
Kai thlak lengmang hi a zohchia i ka caah a thahnemnak a um lo, huatnak lawng kai huah timi ka theih ko. Nain, miphun caah a herh tuk tiah ka ruah i a chim ngammi midang an um lo caah ka duh lo buin kei kai thlak tawn hi a si. Credit: Salai Lungthli Tum
Thawngpang dang: Shweku khuapi pawng ah SAC ralhrang tilawng pakhat voi 2 kah a tong i a thimi an um kho: Kachin ramkulh, Kathar myo le Shweku myo pawng ah Mandalay in Ayeyawaddy tiva chung a rak kaimi SAC ralhrang tilawng 2 cu Local PDF phu nih an kah tiah local minung nih an chim. Nihin December 5 ni, chun suimilam 12:30 pm hrawng ah,
Shweku myone pawng a phanmi SAC ralhrang phu 70 hrawng phur pah in ei din ding a rak phurtu tilawng 2 hhna cu Local PDF phu nih lam tamtim ah an kah tiah theih a si. Tilawng pakhat cu Shwebunthar hmai ah a tang. A hmailei a kalmi pakhat kah a tong. Tilawng a phan hlan i a thli in security a hngakmi hna nih hriamnam ngan he seh-meithal he an kah hna” tiah khuami pakhat nih a chim hi a si.
Kah a tongmi tilawng 2 hna cu Kathar myone, Sinkuntaing khua pawng zong ah nihin zinglei suimilam 8:30 hrawng ah voikhat kah an tong i a thimi an um kho tiah theih a si. “Nihin anmah (SAC ralhrang pawl) cung a thimi an um kho men. Hriam hme he hriam ngan in an kah hna. Tlangcung deuh lei zong in hriam hme he an kah hna” tiah khuami pakhat nih a chim ve.
Cu ti kah an tong hnu ah hriam hme he hriam ngan he suimilam 1 chung kaphnih kar kahdohnak a chuak rih tiah theih a si. Mandalay khuapi in Ayeyarwaddy tiva thluang in a rak kaimi SAC ralhrang tilawng 2 hna cu Takaung myone, Htigyaing myoen le Kathar myone hna ah January 2 ni le ni 3 hna ah kah an rak tong bal rih i,
January 3 ni ahhin Kathar Seikkan ah SAC ralhrang pawl tilawng chung in mithi ruak 30 hrawng an chuakmi hmuh a si tiah The 74 Media nih a tarlangh ning in theih a si. Ref: The 74
Leave a Reply