Mirang chan ah ralkap a rak tuan mi kayin miphun pa Australia nih upat nak a pek

Mirang Chan Ah Ralkap A Rak Tuan Mi Kayin Miphun Pa Australia Nih Upat Nak A Pek

Myanmar ram ah mirang ralkap an luh lio caan ah mirang ralkap a tuan mi Kayin miphun( Pu Bordy Weeku) cu a tu ahcun kum 101 a si cang.

A voihnih nak ralpi lio ah British le Japan i tuk doh lio ah Mirang ralkap a tuan i Mirang cozah nih upatnak roca zong an rak pek.

Myanmar ram ramkhel kong a that lo caah kum 1980 ralzam dornak ah a um i, Australia ah 2007 ah a phan,

A mah cu Australia melbourne a phan thawk in kum fa tin tuah mi Australia ram ralkap hlun sunlawih ni (ANZAC day) ah mirang ralkap hlun dir hmun in a tel peng mi a si

A mah cu Myanmar ram ah mirang ralkap hlun a si hlei ah Australia a phanh hnu zongah ralkap pension a hmu mi a si tiah theih a si.

Tu kum 2021 ANZAC day sunlawihnak bel cu a ngandam lo nak ruangah a tel kho ding a si lo tiah a fapa El Thu Saw nih a chim.

The Chin Post