Mungeo Myo ah Mawng San Min Aung Cu Chek Hllat Nak Gate Ah Ralhrang Nih An Kahthah,Yangon Ah TAXI Khal Tu Mino Pakhat Zong Ralhrang Nih An Kahthah

Mungeo Myo ah Mawng San Min Aung Cu Chek Hllat Nak Gate Ah Ralhrang Nih An Kahthah,Yangon Ah TAXI Khal Tu Mino Pakhat Zong Ralhrang Nih An Kahthah

Pekhu ramthen, Mungeo peng ah Cycle a mawng mi Mawng San Min Aung cu chek hlap nak gate ah ralhrang nih an kahthah nak kong cu MinhlaThadin thawngzamh nih a langh ter.

Let Pan Tan peng Sin Ma Ni khua komh Mu Se khua ah khua a sa mi Mawng San Min Aung, a dang pa pakhat le nu pakhat cu Cycle pahnih in Dec.19 ah Mungeo Myo in thitumh puai in an rat kir lei ah Hnan Kung khua pawng ralhrang i chek hlat nak gate an phanh nak kong,Gate chung ah a um mi ralhrang pawl nih meithal in an kah hna i Mawng San Min Aung cu a um nak hmun ah a thi colh i a dang pa pakhat cu fak ngai in a hliam tiah mah thawngzamh tu nih thawng a thanh.

Ralhrang nih an kah mi kuan cu Mawng San Min Aung i a lu a khen i a thi colh, Ralhrang nih phaisa ting 7 leng le Cycle pahnih zong cu ralhrang nih an lak piak hna tiah kan theih.

Mahbantuk thiam cun Yangon zong ah Dec.18 zaan AD Van mawtaw No.YGN 3F/8826 TAXI mawng tu mino pakhat cu ralhrang nih an kahthah nak kong kan theih.

Mingkalarngeoh peng,Tawng Lung Pian sang, Pa Zun Tawng lam,Suh Tawng Pih sianginn hmai ah Dec.18 zaan slm.9:20 ah TAXI cu an kah i TAXI mawng tu mino cu a hmun ah a thi colh tiah kan theih. 

Ralhrang nih an kah nak cu 122 lam i a um mi TAXI a mawng mi mino tha te in a um mi nupi a ngei i a fa thlathum lawng a si rih. Anu tar cu TAXI mawngh in a cawm mi a si. Zaan ah a chuak tiin TAXI mawtaw cu voi 3 an kah.Mawtaw mawng tu cu a tang ah an khen i a thi tiah khuami pakhat nih a chim. Cred : The Federal Times