Myanmar ram buainak kong he pehtlai in Myanmar zatlangbu palai hna le US ramleng vuanci Antony Blinken cu tonnak an ngei tiah July 8, tuni ah US ramleng vuanci zung i chimnak nawlngeitu Ned Price nih cathanh a chuah.
Tonnak ah cun Blinken nih Myanmar mipi hna nih a dik a hmaanmi democracy an hmuh than khawhnak dingah an i zuammi cungah kan dirpi hna i US Cozah nih a si khawh chungin kan bawmh hna lai tiah a chim.
Myanmar zatlangbu hna hi zeibantuk dah an si ti bel cu Ned Price nih a thanh chih lo. Kan theih cio bantukin US cu ralhrang nih nawlngeihnak an lakmi kongah a thin a hung ngaimi a si. Ralhrang bawi hna, an nupi le an fale siseh, anmah he aa pehtlaimi company zeimawt zong dantat phihkharnak a tuah cang hna. US nih biatak tein sipuaizi lei phihkharnak a tuah cangmi ram cu an thangcho kho taktak lo.
The Chin Post
Leave a Reply