Myaung pengah palik hmanmi thilri a phortu private motor cu mi zapi vengtu ralkap phu nih an tlaih

Myaung (မြောင်) peng ah palik hmanmi thilri a phortu pumpak motor pakhat cu nizaan December 1, zaanlei suimilam 3:30 ah tlaih a si tiah Myaung(မြောင်) peng mi zapi vengtu ralkap CDSOM sin in theih a si.Cu motor cu Sagaing ramthen Myaung (မြောင်) peng palik sakhan in Kyautyit(ကျောက်ရစ်) palik sakhan ah kalpi timhmi motor a si i, lunghrinh nak a um caah cu motor cu kham in checkhlatnak an tuah, cu motor chungah cun kuang 6 in palik hmanmi thilri hna cu hmuh a si caah kan tlaih tiah CDSOM in rianngei pakhat nih a chim.

” Mipi motor phun in a ra, khualeng umkal tik ah thawng thanhcia ding in chimh an si na in zeihmanh thawngpek cia a si lo caah lunghrinh in kan tlaih nak hi a si” tiah CDSOM in rianngeitu pakhat nih cun a chim.

Thilri a phortu motor khal cu checkhlat in biahal nak a si tik ah motor khaltu cu ralhrang phu hna nih a nun humhim nak ding caah tlerhkhonh in hramhram fialmi a rak si tiah CDSOM in rianngeitu pakhat nih cun a chim.Motor khaltu cu mipi lei mi sawhsawh a si tiah zumh a si caah thlah a si i, a phorhmi thilri hna cu tlaih a si tiah a chim chap.

The Chin Post