Ngeihchia tuk asi, ralkap nih an kah thah mipa ruak cu atutiang an hmu lo

Rallokap Nih An Kah I Nizan Ah A Nunnak A Liam Mi A Ruak An Hmu Lo

Mandalay ,Chain Mya Tharsi khua ah Ko Kawng That Naing (kum-22) cu April 24 ,ni zaan ah 65/107 lam ah rallokap nih an kah ruangah a nunnak a liam ,a tuni tiang a chungkhar nih a ruak um nak an thei lo.

Taya pung (တာယာ) mei na khangh ti ruangah nizan zing 10:15 hrawngah a paw ah meithal in an kah hnu ah ralhrang rallokap nih an kal pi. Siinn le Palace ( rallokap pawl an um nak hmun ) zongah an hal hna nain kan thei lo an ti.Mithi ruak khangh nak hmun an hal hna tikah nikhat ah miruak pathum hrawng kan khangh an ti hna.

Meithal in an kah nak hmunah a phanah hmuh a si,a hawi le tete zong nih Ko Kawng That Naing meithal Kah a ton i a tluk kan hmuh ko an ti.A nu le a pa nih cun an cohlang kho lo nain a ruak um lo bu in anmah kawlphung ruak thlahnak an tuah tiah Ko Kawng That Naing chungkhar pakhat nih a chim.

Ko Kawng That Naing meithal in an kah nak hmun thi a luan nak cu rallokap nih Ti in an tawl hnuah a ruak cu mawtaw fa mi ten an kal pi tiah a hmu tu pakhat nih a chim.

Mandalay ah ralhrang uk duhlo nak cu langhter peng in rallokap nih mipi an thencheu tawn ko hna nain rallokap uk duhlo nak cu nifa tin an langhter peng.

The Chin Post