Ni Hin Cu Kachin Ramkulh Hmunkip Ah Kahdohnak A Chuak

Ni Hin Cu Kachin Ramkulh Hmunkip Ah Kahdohnak A Chuak

KIA le ralhrang rallokap hna cu nihin ah hmunkip ah kahnak a chuak i, rallokap umhmun pakhat khangh piak an si tiah theih a si.

Mumoh peng ummi Salawngkung khua ah May 11 suimilam 2 ah KIA le ralhrang rallokap i kahnak a chuak tiah theih a si.

Nawng Hpa ah zingka ah ralkap rallkap mawtaw cu KIA nih an kah i minute 30 hrawng i kahnak a chuak tiah theih a si.

Mah mawtaw kahnak ahhin ralhrang rallokap lei in cheukhat hliam an tuar, hliamtuar mi hna cu Pejero pakhat le Jeep pakhat in Momuh penf Dawphunzian lei ah an kal tiah KIA ralbawi pakhat nih a chim.

Alaw bum ah tuzing suimilam 10 hrawngah i kahnak a chuak i,ralhrang rallokap lei nih zanlei aj vanlawng pahnih in an ra kah hna tiah theih a si.

Tu zing zingka ah KIA Brigade 3 tang um Batalian 27 ,Mansi peng Madaihzian um ralhrang umhmun cu an va kah i ralhrang lei nih valawng pahnih in an rak kah hna tiah theih a si.

Madanzian khua pawng um ralhrang umhmun cu KIA nih mei in an khangh nak cu KIA ralbawi pakhat nih a chim.

Shweku khua Vanmaw lei a rak ra mi ralhrang thilri phur tilawng zong KIA nih an kah.

Shan chaklei ah KIA Brigade (4) Brigade (6) Brigade (10) hmunhma zongah i kahnak a chuak tiah theih a si.

Credit The Chin Post