Nihin Chun ah Thantlang ah Kahdohnak a Chuak, Hliampu le Mithi an Um

Nihin chun sml. 1:00 hrawng in Thantlang khuachung ah kahdohnak a chuak i aa hliammi micheukhat an um, tiah thawng kan theih.

Khuami pakhat nih, “Atu cu kahdohnak thawng a dai cang. Aa hliammi le a thimi an um an ti nain fiang in kan thei rih lo,” tiah a chim.

Kahdohnak ah khuami minung pakhat hliamhma a pu, tiah kan theih.

SAC ralhrang lei zong in minung 2 an thi tiah theih a si nain fiang in fehter khawh a si rih lo. Cred : The Chin Journal

Relchap ding : Aung Pan khua Mytel Zung Ah Bomb a Puak

Shan ramkulh tlanglei, Kalaw peng, Aung Pan khua,Ngiang Pin Thuang(ညောင်ပင်ထောင်) veng ah ralhrang ngeih mi Mytel zung ah September 8 zan ah bomb a puak.

Aung Pan myo ah Mytel zung a puahnak kong he pehtlai in a hliam mi le a rawk mi fiang tein theih khawh a si rih lo.

NUG nih D-Day a thanh September 7 ni thawk in peng cheukhat ah ralhrang hna ngeihmi Mytel tower hna cu a pawngkam PDF hna nih an hrawh hna tiah theih a si.

The Chin Post