Nihin Demawso kahdohnak ah SAC ralhrang phu lei in 10 nak tlawmlo an thi i an hriamnam tampi lei pehtlaihnak seh pawl tampi KNDF lei nih an lak tiah theih a si. Thil sining cu Karenni ramkulh, Demawso myone, 6 mile ah nihin kahdohnak a chuak i, SAC ralhrang phu lei in 10 nak tlawmlo an thi i, an hriamnam tampi le pehtlaihnak seh tampi kan lak tiah KPDF lei nih thawngthanhnak an tuah hi a si.
Nihin January 9 ni, Demawso myone, 6 mile kahdohnak ah SAC ralhrang phu lei in 10 nak tlawmlo an thi i, hliamhma a tuarmi zong an tam hna ti si. Cu kahdohnak chung ah SAC ralhrang phu hriamnam tampi le pehtlaihnak seh thilri tampi zong KPDF phu lei nih thawngthanhnak an tuah hi si. Credit: Khit Thit Media
Zualko Thawngpang: Hakhalay ah SAC Ralhrang nih an Thahmi Pu Tin Thang Ruhro pawl Khor chung ah an Hmuh: Aluancia December 29 ah Kalay peng, Hakhalay khua ah SAC ralhrang pawl an rak phak lio ah Pu Tin Thang (60) zong an rak thah i, a ruhro pawl cu nihin January 9 ah khor pakhat chung ah an hmuh, tiah thawngpang kan theih.
Pu Tin Thang i hringtu a nu (kum 80) zong Hakhalay khuachung ah SAC ralhrang nih a phei ah an rak kah i December 30 zinglei ah a nunnak a rak liam. An nufa in SAC ralhrang nih December 29 ah an rak kah hna hi a si. Pu Tin Thang i a ruhro pawl cu khuami nih ttha tein an fimhlawn i nihin ah thlan an thlak, tiah thawngpang kan theih. Credit: The Chin Journal
Leave a Reply