Atu lio kan ram sining zoh tik ah hmailei kan fale nunnak kong ruah ah cun thin a phang ko. Khat lei ah ral hrang, kam khat ah Covid pulrai a si. Nifatin hna khaw ah thihnak le thinphan nak lawng te hnakhaw ah aa zil.
Nihin kan tonmi thil hna nih hin kan fale ngakchia pawl an nun rawh nak a chuahpi sual lai maw tihi ruah lo awk tha lo. Zeicahtiah ngakchia cu an hmuhmi le an theih mi a zum i aa thanpi mi an si.
Atu ah Kawlram fimcawnnak a um ti lo. Zarhkhat sianginn kai lo hmanh zeitluk in dah a fah. Cu lio ah a kum bak in sianginn an kai ti lo. Zeitiang si maw sianginn kai loin an um rih lai.
Biaknak lei ti zong ah biakinn pumh lo nak a sau taktak cang. Kan fale an zumhnak lei ah an tlau lan sual lai maw ti zong ruah ah thin a phang. Pathian bia he caan sautuk an i hlat cun an hmailei nunnak caah ruahchannak a tlawm.
An thinglung a rawk thluahmah. An hna nih a theihmi le an mit nih a hmuhmi ah thihnak le thin phannak lawng te a si. Abik in SAC thawng lawngte a si. Phan ummi cu an thisen ah Africa ram bantuk middle east ram lei bantuk in an ngan tikah misual i can i mithah zong a poi lo ti phun in tapung damiah tampi an chuak sual te hnga maw? Siloah fir le thil sual tuahnak lei ah an kal dih sual hnga maw?
Cucaah atu kan dir hmun ah ngakchia kan fale kong hi biapi ah ruah a herh. An ngandamnak siseh an eidin kong zongah upa nak hmanh in papek deuh ding an si. Kum 40 cung minung nih kan ram caah zeihmanh an tuah kho ti lai lo. Nain kan fale cu caan saupi Vawlei ah a nung ding an si caah biapi ah ruah ding an si. Credit : Tlaung Ceu Thang
Leave a Reply