Nizaan July 25 suimilam 2 ah Mizoram, Serchhip ram Mat tiva cawmkai ah ruak char a si

Nizaan July 25 suimilam 2 ah Mizoram, Serchhip ram Mat tiva cawmkai ah ruak char a si i, Mizoram police sin ah theihter a si hnu ah Pu Mang Kham a si tiah theih a si.

Pu Mang Kham hi kum 56 hrawng a si i, amah lawng hmun dang te khua a sa mi a si Vanchiat a tonhlan ahhin a tlaknak hmun cawmkai chak Pu Lalduhawma, Serchhip Darnam veng fu dum ah khua a sa mi a si tiah theih a si.

Amah hi Hakha mi a si i, Serchip ah caan saupi khua a sa cang mi a si i, aruak hi Serchhip, Dinthar thlamual ah vui a si.

RELCHAP DING : Pakokko Khuami Minung 9 Cu Hriam Nan Tlai Tiah Rallokap Nih Puh In An Tlaih Hna

Pakokko Khuami Minung 9 Cu Hriam Nan Tlai Tiah Rallokap Nih Puh In An Tlaih Hna Pakokko peng Saih-Kha-Vua (ဆိကၡဝအုပ္စု) khuatekomh in khuami hna cu mipi vengtu phu ah lut in hriam nan tlai tiah an puh hna caah rallokap nih khuami 9 cu nihin July 26 zinglei ah an tlaih hna.

“Zinglei suimilam 7 hrawng ah rallokap phu hna cu motor fa mi 5 le rallokap minung 40 hrawng ra in khua lam cu phih in an tlaih hna,khua ahcun zinan chuan ding in an tuah, cucu zeiban tuk dalan nih dik PDF caah hriam an ser ti in thawng an pek hna caah an rak tlaih hna hi a si ” tiah khua mi pakhat nih a chim.

Saih-Kha-Vua(ဆိကၡဝ) khuakomh telh in Saih-Kha-Vua(ဆိကၡဝ) khua, Ayardaw khua, Yenanchat(ေရနံခ်ပ္) khua in minung 9 an tlaih hna hi a si.

Tlaihkhih a tong mi hna hi U Khin Ngunt(kum-65),U Awng Kyaw Soe(kum-50) le Yanamchat khua(ေရနံခ်ပ္) khua in minung 7(min theih rih lo mi) hna an si.

Tlaihkhih a tong mi hna hi Pakokko khuachung ah an tlaih hna i,chungkhar hna he atu tiang ah zeihmanh pehtlaihnak an ngei kho hna lo tiah theih a si.

The Chin Post