Nizan Ah A Tlau Mi Pu Lalparvula Cu A Thi Cia In Hmuh A Si

Nizan ah a tlau mi Pu Lalparvula ruak hmuh a si-Mizoram Seling khua Pu Lalparvula kum 37 cu May 11 suimilam 2:30 hrawngah Champhai lam, Seling khuataw Water Point lunglak nak hmun in Scooter he a kal mi cu a cuah ti lo caah an va hlat tikah a Scooter cu Water Point thlang deuh lamkam ah hmuh a si.

A Minung cu zeihmanh thawngpang theih chap ding a um lo caah Nizan zanlei le zanah Innpa chakthlang le YMA hruaitu pawl he kawl a si i tuzing suimilam 7 le cheu hrawng ah Scooter a chiah nak thlang, lamthlang lampi in pe 300 hrawng a hlat nak kam ah a ruak in hmuh a si.Pu Lalparvula le a nupi Pi Lunghnemi te nupa hi lung la in paw a cawm mi an si.

Relchap : Thawngtha lak ah thawngchia:KNU nih Kawl ralkap sakhan an lak nain anmah zong an nunnak liam veNihin April 27 zing ah Myanmar Thai ramri ummi Kawl ralkap sakhan pakhat cu KNU Tatmaha 5 nih an kah hna i sakhan zong an lak.

KNU nih Kawl ralkap pawl an sakhan ciam dih lak in an kah lengah an hriamnam meithal le bomb pawl tampi an chuh hna. Kawl ralkap cu Tanlwin tiva lei ah an zam i KNU nih a nung  tlaih ding ah an dawi hna, cu ti an dawi hna nak ah cun KNU lei a tlawmbik 3 an thi ve. 2 hma an pu tiah anmah KNU lei nih tazavuan in an thanh. Crd. Khitthitmedia