Nizan ah khan avoi 117nak Congressional Prayer timi thlacamnak ah Democratic Party palai, Emanuel Cleaver nih thla a cam i a donghnak ah “Amen” tiah kan ti tawnmi kha, Amen and A woman” a ti deuh ko. Amah nih cun nule pa thleidannak kan ngei lo” ti khi si dawh a si. Amen” timi hi latin holh a si an ti, Truly” asiloah so be it” tinak a si an ti. Democrats pawl nih Amen” timi cu pa tinak a si tiah an ruah sual rua.
Tutan Congress season meeting ah hin Democrats pawl nih Gender Neutrality “timi bill chuahpi an timh. Mah an chuahpi dingmi bill ahcun nu le pa min a sawhmi “Father”, He” le She tibantuk zong hi hlonh an timh ti a si. Nu le pa sinak zong hi an rem ti rua lo. Atu an kalpi ning in cun nule pa, pale fa, tta le far, ule nau zong um dawh kan si ti lo.
Democrats pawl nih khrihfa zumhning an kalpi ning hi khrihfa zumhnak a filter chin lengmang. God’ timi biafang zong an rem lo, In God We Trust” timi zong an rem lo. US ramsertu hna, founding father hna nih an zumhnak kutzung in an tuahmi thil paohpaoh cu an rem lo.
Democrats pawl nih US caan sau an hruai ahcun, US dollar cung i an tialmi, In God We Trust” timi le Capital Hill chung i, “In God We Trust” timi vialte zong an hrawh dih te lai tiah ka ruah. God” timi biafang an rem lomi hrimhrim hi khuaruahhar an si. Catialtu Salai Lairam Thang
Capo nih chuah relchap na huam ah cun ; Kum(80) a si cang mi Jew (Israel) Putar Ivan Novid cu a dum chungah aalu(potato) cin ding in vulei a cawh ko nain a tha nih a chei tilo caah aa ngol. Cun, Thong a tla mi a fapa sinah ca a kuat, Ka fapa Thong na tla ruangah napa keimah hi harsat nak tampi ka ton. Aalu cing ding vulei hmanh ka co kho ti lo. Nangmah nih rak ka bawm kho seh law hitin ka buai hnga lo.
Ni hnih hrawng a rauh hnu ahcun a fapa sin in ca kuat a rak phan ve. Ka pa Dum chungah zeihmanh rak tuah hlah.. vulei tangah ka thup mi meithal pawl kha mi nih an hmuh sual lai. A fapa cakuat a phak hnu a thaizing ah cun acozah palek(police) le ralkap pawl an ra i putar dum chungah cun thil an rak kawl. Putar pa nih a fapa sinah ca a kuat țhan.
Ka fapa,’ Acozah palek le ralkap pawl nih ka dum cu an cawh an leh dih. Nain, an kawl mi an hmuh lo. A fapa sin in cakuat a rak phan țhan. Ka pa ‘Na aalu pawl kha naduh ning tein rak i cing cang ko ne.A tu ah cun hi te lawng kan bawmh khomi a si. Mangtha,’tiah a țial. Aw…Jew (Israel) thluak.
Leave a Reply