Mah hna hi mawtaw he an in chawh lio ah ralhrangbu le PDF pawl an in kap mi an hmuh caah an in mer an tlik lio ah ralhrangbu nih an dawi hna i transformer an pah nak ah ralhrangbu nih an tlaih i an thah mi a si tiah theih a si.
Ralhrangbu nih meithal he a kan kah i an tli caah kan kah mi a si tiah an thanh.
Relchap
Paletwa chawdawrtu hna cu an thilri cazin vialte siipin ah an pek hnu lawng ah thilri cawk khawh a si tiah chawdawrtu pakhat nih a chim.
“June 21 ni thawkin kan cawk duhmi thilri le a caw duhmi Min, Hmatpungtin nambar, an va phawr dingmi Min, Hmatpungtin nambar, Minphun, Phone namar he Siipin ah pek a si. 289 Tatyin le Paletwa hlei ah a kan chek. An mah nih an sen lawngah kal khawh a si” tiah dawr ngeitu U Kyaw Myint nih a chim.
Chawdawrtu hna cu Siipin nawl heh lawng kal khawh a si pinah lam ah chek an tam caah an tlawngkal ngam tuk lo. An dawr thil zong a dih cio cang, Paletwa khuachungah dawr thil a har ngai cang tiah theih a si.
Mah kong he pehtlaihin Siipin bawi U Hlaing Win nih Dawr thil a cah lo nak ding le Covid-19 ven nak caah kan tuah mi a si. Kan chek mi zong thil man a kai lo nak dingah kan ti mi a si tiah a chim.
Kan hnu May 30 ah Paletwa khuachung hmun hnih ah bomb a puak hnuah tlawngkal khap a si caah thilman le facang man zong a kai ngai tiah theih a si. Pawsahmawi (ပေါ်ဆန်းမွှေး) facang ton 1 man 50000 in 70000 tiang a kai tiah theih a si. Ref; WN
Credit The Chin Post
Leave a Reply