Nobel Peace Prize Nominee Hi Kawlram Civil War Daiternak Main Switch Asi Men Lai: By Saya Rung Kaw

Nobel Peace Prize Nominee Hi Kawlram Civil War Daiternak Main Switch Asi Men Lai (By Saya Rung Kaw): Nobel Dindainak Laksawng Hmuhco Dingmi Cazin ah NUG aatel. Kawlram mipi lawmhnak in kan khat dih, rethei zawnzainak vialte cikkhat kan philh cio hna. Khengchap Thawngpang nih Lung a lawmhter khun I Lung a hmui khun ko. Khengchap Thawngpang bikbik hna cu: NUCC nih Federal Phunghrampi an I ngeih cang lai.

Hakha, Thantlang Peng le Maraland ah Kokek Ukhruainak in I ukpen asi cang lai. Sianginn tampi zong Mipi nih kan on khawh. Federal Sianginn le Federal Uknak aathawk cang. NUG VP Dulashiwa nih Paucan Dohthlennak biacah a chim. 2022 ah MAH le Ralhrang Rallokap thluk cikcek ding, Federal Army kan derh khawh cang, EAOs + CDF + PDF + CDMers Ralkap le Palik telin, CDF – Mara le Mara Army fonh in MDF Mara Defence Force an dir.

Ka Lungrawn Sui Thantlang belte Loring bang meiduah asi ṭhan. Rallokap Cohlannak cu 170 hrawng nih hmuhsaknak lam an zawh, Hakha ah, an paw caah Chinram le Chin Miphun an zuar, Zei kan tuah ti an I hngalh hrim hrim lo. Uanthlar Ngai le khawlal Ngai in an tlo tuk rih. NUG nih Raldohnak a hmual fakter chin chin awk ah, Tempo Santer le hlirh awk ah, Tutan Paucan bak ah, MAH  thluk ding in an thanh lio ah,

NUG cu Nobel Dindainak Laksawng hmuh awk ah atlak hrim hrim tiah, cazin lakchung mi ah aatel hi asi. Hihi biatak tein tuah / ruat le tuak aphu mi asi. Nobel Peace Prize Award caah thimh Chung mi hna cu: Pope Francis; Greta Thunberg – Pawngkam Zohkhen kilven tu Mino; David Attenborough – Britain Tadin Tama (Thawn La Tu); Simon Kofe – Tuvalu Ramdang Vuanzi; Sviatlana Tsikhanouskaya – Belarus Dohthlennak Hruaitu; WHO – Vawleipi huap ngandamnak Zungpi; NUG hna ansi.

Nobel Peace Prize le Raldoh cu aa ralkah mi asi. Ral daiter cikcek kha Nobel Peace Prize a hmuitinh cu asibik. NUG nih Nobel Peace Prize a cohlang ahcun, Paucan Dohthlennak adih ve cang tinak asi. MAH le NUG cu Cabuai chungah biaruah ter ansi lai. NUG duhnak lawng zulh asi lailo btkin MAH duhnak lawng tlinter asi fawn lailo. An kaphnih in an lunghak veve ahcun, mipi zangfak hna uh an ti hna lai. Ahnu bik ah hlan lio Cozah sining lei ah hnukhirh dawh asi.

2008 phunghrampi tangah kun ṭhan in NUG le MAH / SAC nih Upa go le Luban an I phawt lai. Asilo ah MAH ukcan dih hnu ah Federal Democracy in kalding phun in biachah khawh asi ve, EAOs he NCA / Bilaterally Agreement kha an tuah lai, CDF / PDF hi an hrawk lai asilo ah BGF asilo ah Home Guard in an then dih te lai. Tlangcungmi nih kum (70) Dohthlennak kan tuahmi le Chunmang vialte Pakpalawng an si dih lai. Athar in Federal le Zalennak caah Raldoh ṭhan a herh hnga.

UN, USA, UK, FRANCE, GERMANY, CANADA, JAPAN, CHINA, RUSSIA, SCADINAVIAN RAM HNA LE NITLAK RAM hna nih ton biaruahnak in a phi kawl uh tiah, Paucan Dohthlennak aa thawk tir ah khan, an Rak kan ti cang. An hlawhtlin lo, GZ nih MAH le Ralhrang Anasin kha an cohlang khawh hrim hrim tilo caah, Ton biaruah cu chimlo, Nunnak le Thisen sung pekin, GZ nih Hriamnam in Dohthlennak an kan hruai.

NUG kha Officially in Mipi Cozah nasi ko ti zong an ti Hlei ve ti lo. 2021 September 14 ah NUG nih DDay athanh tikah Vawleipi ngal an I timh dih. Ral he aa pehtlaih lomi Mipi tampi an thi cang lai tiah thinphang dai loin khua ansa. MAH cohlang le NUG cohlang lo he pehtlaihnak a umlo. Cucaah NUG nih International Legitimacy ah hma alak khawh tilo.

Anka in We Stand With you, We Support You, anti ko nain, Officially in Statement chuah aumlo, senthuh in Mipi Cozah bak nasiko timi aumlo. Aruang cu Mipi tampi thih lai an phang caah asi. NUG santlailo asi hrim lo. Cucaah hriamnam in bawmhchan tu an um ti lo, Hriamnam an kan zuartu ram zong anum tilo caah Black Market in kan cawk hna, aman van a tawngh ve. Achan cu Peace Talk Process in kalpi kha an kan duhpi caah asi.

NUG nih kalduh hmansehlaw, EAOs, Tlangcungmi, Rohingya, PDF / CDF kha an hmaikhap ti hna lo. MAH nih Uknak Chut aa faksak bikmi hi GZ ansi. Nu GZ le Ngakchia GZ hi an Zual khun. Cucu NUG nih a pahchih ngam ve ti lo. UN le UN Agencies hna nih Humanitarian timi bawmhchannak in chanchuah le bawmhtu sikha aatimh I aa hmaithlak ve cang. USD 850 millions leng a khawnh cang. MAH nih Keimah kutah ka pe uh, bawmhnak phaisa kha ati. UN nih anpek duh naisai ve lo. Cirik kai ding le vaivuan ding an duh ve lo. Credit: Saya Rung Kaw