Nuamlanh Khua Pawng Ah Rallokap Nih Vanlawng Pahnih In An Kah Hna, KIA Lei Nih Hriam Ngan In An Doh Ve Hna

Nuamlanh khua pawng ah rallokap nih vanlawng pahnih in an kah hna, KIA lei nih hriam ngan in an doh ve hna Bamaw , Mumoh peng Nuamlanh khua pawng hrawng Shan Tum Bum ah ralhrang rallokap lei nih ral tuk nak vanlawng pahnih in an kah hna , KIA lei zong nih hriamngan hmang in an kah ve hna tiah theih a si.

” Suimilam 1 hrawng ah an kah, kah doh nak zong a um lo, raltuk nak van lawng pahnih in an kan kah . KIA lei zong nih hriamngan in an kah ve hna caah rallokap lei vanlawng pakhat cu an khen na in an vanlawng cu a tla lo tiah”a hmu tu hna khua mi pakhat nih a chim.

Nuamlanh khua pawng Shan Tum Bum cu KIA brigade 5 tang ah um mi Batalian 30 umhmun khuar nak zong a si.Cun Bamaw , Mansi khua pawng Madayan khua zong ah nihin zingka suimilam 8 ah KIA le ralhrang rallokap kar lak ah fak ngai in kahdoh nak a um tiah theih a si .Ralhrang rallokap nih thlakhat chung kahdohnak kan dai lai tiah ca thanh an chuah hnu ah KIA hmunhma ah a tu ni tiang fak ngai in kahdohnak a um rih tiah theih a si.NBungDatKasa,Source : National Unity Media NUM