NUG pehtlaih lo ding in Min Aung Hlaing te phu nih ralrin an kan pek, tiah Erywan Yusof nih chim
October 24| “Ralhrang Phu” tiah thanh cang mi NUG pawl hi pehtlaih le chawnhbiak lo ding in Kawl Ralkap Phu nih ralrin an kan pek, tiah Erywan Yusof nih a chim.
Erywan Yusof cu, Brunei Ramdanglei Minister-2 zong a si i ASEAN-Myanmar Palai zong a si i Min Aung Hlaing te phu nih ralrin an pek, tiah Japan thawngzamhca NHK nih a langhter.
“ASEAN biahren 5 he pehtlai in hrenlio mi Daw Aung San Suu Kyi le U Win Myint tonbiaruahnak nawl pek ding ka hal hna nain annih cu biaceih lio mi an si caah tonnak nawl kan in pe kholo an ka ti,” tiah Erywan nih a chim.
October 26 in 28 tiang tuah ding mi ASEAN summit ah Min Aung Hlaing sawmlo ding in biachah a si hnu ah atu bantuk in Erywan biathanh zong a chuak ve, tiah BBC nih a tial. The Hakha Time
Leave a Reply