Ralhrang phu nih tlerhkhonh nak a um ko nain Awnglan Hlunhchi Nway Oo Tthi(ေအာင္လံလႊင့္ခ်ီေႏြဦးထီ) cu zuarhram an thok ni ah a caw tu an tam tuk caah suimilam chikhat lo ah nikhat ca zuarding rikhiah mi cu a dih colh
Hramhram nawlngeihnak la tu ralhrang phu nih tlerhkhonh nak a um ko na in NUG nih tuahh mi Awnglan Hlunhchi Nway Oo tthi(ေအာင္လံလႊင့္ခ်ီေႏြဦးထီ) cu zuarhram an thok ni ah a caw tu an tam tuk caah suimilam chikhat lo ah nikhat ca zuarding rikhiah mi cu a dih colh tiah theih a si.
Nway Oo tthi a caw mi hna nih NUG cu kan sikhawh tawk in kan bawmh ti ruahchannak he tthi kan cawk mi a si tiah an chim.
Ralhrang phu nih tlerhkhonhnak a um ko nain nunnak pe mi, mi raltha hna he kan nun tah ahcun tthi kan cawk mi hi zeihmanh chim a tlak lo tiah an chim.
Tthi caw mi pakhat nih a chim mi ah” tthi ka cawk nak a ruang bik cu NUG riantuan nak ah lam khat in ka si khawh tawk ka tel ve tiah ka ruah caah tthi hi ka cawk mi a si. Tlerhkhonh nak cu a um len ko, Facebook zong ah ka hmuh ko nain,midang nunnak a pe mi h a he tahchunh ahcun zeihmah a si lo tiah ka ruah caah ka cawk mi si ” tiah a chim.
August 15 ni ah Nway Oo tthi a caw mi an tam tuk caah , cawk duh ahcun hngah zong a hau tiah theih a si.
NUG nih nikhat chungah zuarding mi rikhiah nak ah zeizah tiang dah riakhiah a si hi DVB nih hlathlai nak a tuah na in theih fian a si rih lo. A caw tu caah hngah hau lo le tha te in an cawk khawh cio nak ding ah tthi zuarnak lei nih an i zuamcuahmah ve tiah theih a si.
The Chin Post
Leave a Reply