Omicron Virus Khamnak Sii Ni 100 Chung Ah Pfizer Company Nih Serchuah Lai

Omicron virus khamsii cu hi hnu ni 100 chung ah kan serchuah lai tiah American ram hrambunh Pfiser company CEO Albert nih a chim.

Omicron khamnak caah sii ai pawl nih tampi a kham khawhlo caah siidang ser a herh i cu sii cu serhram kan thok cuahmah cang tiah a chim chih fawn.

Pfiser company nihcun Covid-19 khamnak sii zong an serchuah cang i hmannak nawl ngahnak ding ah an tawlrel cuahmah lio asi. Credit : The Federal Times

Relchap : PinLayBo Ah USDP Party Lutlai  Mi Win Ting le Ngo Than Cu Dalan asi tiin an thah hna

Sagaing ramthen, PinLayBo(ပင်လည်ဘူး) peng, USDP Party lutlai le palai hlun asi mi Win Ting le ralhrang thawngpe tu asi tiah lunghrinh mi Ngo Than hna pahinh cu tuni zinglei sml 8:00 ah meithal tlai cheukhat nih an kah i a hmun ah an thi colh tiah theih asi.USDP party palai Win Ting le ralhrang thawngpetu Ngo Than cu lakphak ti dawr an thut lio ah theih lo mi meithal tlai phu pakhat nih an kah hna i an pahnih in ahmun ah an thi colh, mahpinah USDP party palai hlun Win Ting a inn ah bomb a puak tiah theih asi.

USDP Palai Win Ting cu PinLayBo khuapi chaklei veng ah ralhrang he aa bawm i Democracy kong ah acawlcang mi hna cu tlaih nak, saikal 2 nak tam acit mi hna cu a tlaih hna, NLD party atanh tu hna cu atlaih hna, mino hna cu ralchanh in tlaihkihnak atuah tiah khumi hna nih an chim.USDP Palai Win Ting le Ngo Than i an ruak cu ralhrang nih an lak i an mah thah an tonnak he peh tlai in zei bantuk phu nih an tuah timi tu tiang ca thanh aum rih lo.U Win Ting cu 2020 thimnak ah PinLayBo(ပင်လည်ဘူး) Pyithu Palai ah azuam nain NLD party nih a tei mi asi.

The Chin Post