Pelek In Cdm Ah A Lut Mi Pa Cu Cuap Zawtnak In A Nunnak A Liam

CDM Palek Pakhat Cuap Zawtnak In Mizoram Ah A Nunnak Liam-Sagaing ramthen,Kalaymyo palek umhmun in CDM ah a lutmi Palek Tun Tun Oo cu nihin June 4 ah Mizoram Aizawl khua ah cuap zawtmak in a nunnak a liam tiah thawngtheih a si.Anih hi Tahan vengum siangcachim Biakmawia fa a si,hlainak an tuah lio ah a nunnak a liamhi a si.Palek Tun Tun Oo hi CDM a luh caah Mizoram lei ah a dormi a si. The Chin Post

Thawngpang dang relchap: Rallokap Nih Umhmun An Khuarnak Cheukhat Hmunhma Hna Cu Duhsahten Hnu An Tolhtak-Kani Lei ah Rallokap Cheukhat Hnu An Tolh Tiah Khuami Nih Anchim,Sagiang ramthen,Kani pengkulh chungah rallokap nih umhmun an khuarnak cheukhat hmunhma hna cu duhsahten hnu an tolhtak tiah min langhter lo in khuamihna nih an chim.” Kani hmunkip ah hin PDF phu nih mipi an venhna caah , an humhim nak ding ah thinphang in an um caah duhsah ten kaltak an timh sikho ” tiah Kanikhua mipi vengtu phu chungtel pakhatnih a chim.

“Cacawnnak sianginn, phungki sianginn hna ah rallokap nih umhmun an khuar bik,atu zerhkhat chungah duhsah ten an kaltak . Hika hmun ah hin cun sianginn pakhathmanh an on lo” tiah achimhchih.

Cu thilcang kong he pehtlai in thawngfiang tha ten theih khawh nak ding ah RFA nih rallokap lei biachimnak nawl ngeitu ဒုဝန္ႀကီး ဗိုလ္ခ်ဳပ္ Zaw Min Tun cu an chawnh nain pehtlaihkhawh silo.

Curuangah Kani hmunhma lei rallokap hnunan tolh tiah thawngpang aleng mi kong ah biafiang theih asi rilo.Khuami hnanih cun Sagiang ramthen,Kani hmunhma ah hin rallokap 900 hrawng an um , tu ah hin cun 400 hrawng lawng an um lai tiah an ruahdamh.

Kani hmunhma ah umkal mihna nih , rallokap motor he tin sual lo nak ding le hrial ding in, Chindwin tiva tilawng in umkal ding le, rallokap hna nih mipi bantuk unter in thil hlaihlai nak an tuah tawn caah ralrin ding le , zumhpahlo mi thil hmuh sual ahcun kherhhlai nak tuah lo ding in tiah Kani pengkulh mipi vengtu phu hña nih nihin June 3 ah mipi hna ralrin cio ding in cathanh anchuah.RFA- The Chin Post