Pu JP Biak Tin Sang le a fapa Rev. Dr. Peter Za Hlun Thang nih Thantlang COVID-19 runvennak ca tangka le thilri bawmh

Yangon um Pu JP Biak Tin Sang le a fapa Rev. Dr. Peter Za Hlun Thang nih Thantlang COVID-19 runvennak ca ah tiin tangka siseh, a herh mi thilri dangdang siseh, June 24 ah an bawmh hna tiah kan theih.

Hi bawmhnak hi Thantlang COVID-19 Emergency Response Committee (TC-19ERC) sin ah an pek, tiah kan theih.

“Rev. Dr. Peter Za Hlun Thang nih Oxygen Cylinder cawknak ca ah tangka Sing 10 a kan hlut. Pu JP Biak Tin Sang nih 1. Oxygen Cylinder Dur5, 2. Face Mask (Hmurhuh) 1000 pcs, 3. Oxygen level tahnak Pulse Oximeter – 2, 4. PPE zuun 100 le 5. Kuthruk M-Bawm 1 le L-Bawm 1an kan hlut,” tiah TC-19ERC Secretary Pu Ram Khar nih a facebook cahmai ah a tial.

Hi COVID-19 khamnak thilri pawl an kan hlut mi hi Pu JP Biak Tin Sang hringtu a Pa, Rev. Haleluijah Pa Theu Foundation min in an kan hlut mi a si. Thantlang TC-19ERC min in an cung ah Lunglawmhnak Roca kan tial. Pathian nih kan Miphun ca ah hmang chin lengmang ko hna seh, tiah Pu Ram Khar nih a facebook cahmai ah a langhter.

Credit The Chin Post