May 21, Union Election Commission (UEC) meeting, Nay Pyi Taw ah CNLD party min in meeting a kailonak le party in chuahnak ca a rak tialnak Pu No Than Kap nih a facebook cahmai ah a fianter. “CNLD in chuahnak ca hi 2021 March 31 ah khan ka tial cang. Atulio buainak ruang ah party EC nih ka ca an hmuh rih lo ca ah a si,” tiah a facebook cahmai ah a tial.
Cun, “UEC meeting zong CNLD min in ka kai lo. Ka rian he pehtlai in Nay Pyi Taw ka tlawn lio he aa ton ca ah riantuan hawikom pawl an kut ka va tlaih hna i ka va chawnhbiak mi hna a si,” tiah a tial. UEC meeting hi CNLD nih kai lo ding in an rak khiah i CNLD Counselor Pu No Than Kap zong meeting kai lo ding in party Chairman Pu Ngai Sak nih a chimh nain amah nawl in meeting a kai, ti mi kong ah atu bantuk in Pu No Than Kap nih amah facebook cahmai ah fianternak a tial.
Thawngpang dang relchap: CDF nih Hakha Peng ah Zaan sml. 10:00 in Zinglei sml. 5:00 Karlak Lengchuah Lo Ding in Nawl Chuah-CDF nih May 20 thawk in Hakha peng chung ah zaan sml. 10:00 in zinglei sml. 5:00 karlak mipi lengchuah lo ding tu zaan ah nawlchuahnak ca an tar.
Curfew caan (zaan sml. 10:00 in zinglei sml. 5:00 karlak) ah zualhma mizaw phortu Ambulance pawl lawng lengchuahnak nawl onh nan si lai, tiah an ttial. Cun, SAC ralhrang nih ralkap motor si loin chungkhar motor hmang in an i chawh caah motor in a kalmi/khual a tlawngmi mipi nih motor thlalang thlak buin le motor kuang hna muka tibantuk khuh loin khualtlawn ding, tiah an langhter chih.
Leave a Reply