Hakha palik zung ah rian a ttuanmi Pu Sui Hung (တပ်ကြပ်) cu nizan May 17 ah amah tein meithal in aa kap, tiah thawng kan theih.
Paliklen, ahlan ralkap tidil pawng ah khan amah tein meithal in a lu ah aa kap i a nunnak a liam.
Zei ruang ah amah tein meithal in aa kah timi fiang in theih a si lo. Cred : The Chin Journal
Relchap : BJP Party Bhopal MP Pakhat nih Covid Vennak Ah Caw Zun A Tha A Ti Hna
BJP party Bhopal MP pakhat a si ve mi Pragya Thakur nih mipi he tonbiaruahnak pakhat ah kei cu ni fatin caw zuun ka din caah Covid nih a ka tlunh kho lo tiin a chim ruangah cheukhat nih capo nihchuak ah an hman tiah theih a si.
Pragya Thakur nih “Ni fatin caw Zun ka ding peng, Acid phunkhat a si ve caah mah nihhin kan taksa a thianter, Cuap zong a thawn ter caah Covid in ka zaw kho lo, Mah caah Corona Virus lak in i vengnak dingah zei sii hmanh din hau lo tein ka him khawh mi hi si” tiah a chim.
Bharatiya Janata party hruaitu zong a si mi Pi Pragya Thakur nih Zarhpi ni an party mipi he i tonnak ah caw zun a that ning le an party mi hna zong din ve dingin a forh hna, A din ning zong a chimh hna tiah theih a si.
“Ramlak i hramh lawng te a ei mi caw zun a si awk a si. Dingl hlanah lachawn he a tlawmbik voi 16 hrawng zet a hau. Keimah ka tuah ning ka chim mi a si, a hohmanh nih mahtin tuah dingin an ka ti mi zong a si lo, keimah zumhnak a si” tiah a chim.
Hnuk cancer ruangah a hnuk pahnih cu lak piak a si cang mi Thakur nih ka hnuk cancer zong hi caw zun le caw in a chuak mi thil pawl ruangah a dam mi a si tiah a rak chim bal mi a si.
Corona Virus he pehtlaih in India ah hin thil a phun phun tuah a si i, mah hna lakah Lai lei serchawmmi sii-ai pawl le caw zun, caw ek hna cawh in i kholh, i thuh tbk. tuah le cawnpiaknak pawl cu zumh lo dingin Siibawi pawl nih hehchet an chim ve.
The Chin Post
Leave a Reply