R.I.P : Mi Ropui Rev. Dr. David Yonggyi Cho A Nunnak Liam

Vawleicung ah Khrihfa bu member tambik a ngeitu Pathian rianttuantu Rev. Dr. David Yonggyi Cho cu September 14 zing suimilam 7:13 am ah hi vawlei in ai din cang tiah South Korean Times nih a tarlangh.

Rev. Dr. David Yonggyi Cho cu 1936 February 14 ah a chuakmi a si i hi vawlei ah kum 85 chung caan a hmang. David Yonggyi Cho hi Buddhist biaknak in a thang lianmi a si i kum 17 a si in Khrifa ah a lut cu tin cun Bible sianginn a kai hnu in Pastor a tuan i Vawleicung Khrifa bu ah member tambik 830000 umnak ”Yaido Full Gospel Church ”( Assembly of God) ah Pathian rian a tuan.

Rev. Dr. David Yonggyi Cho cu thluak lei damlo nak in a nunnak a liam hi a si.

Relchap : Yaw Defense Force Nih Piusawthae Hna Thuhmi Puahkehnak Thilri Le Kuanfang 1000 Renglo An Lak

Magway ramthen Yaw Defense Force nih ralhrangbu kuttang misual rual Piusawthae hna thuhmi puahkehnak thilri le kuanfang 1000 renglo an lak tiah Sepy 14, tuzing ah YDF nih an thanh

“YDF ralkap hna nih Sept 11 ah Minkin khua palek sakhan cu an kah i palek lei bawmtu an rat caah hnu kan tolh than. Cuti hnu kan tolh lio, Khohku khua pawngah ah Piusawthae hna nih an thuhmi puahkehnak thilri, mei hri, bomb le kuanfang 1000 renglo, tangka in sing 70 man hrawng kan lak” tiah YDF nih cun an tial.

The Chin Post