BREAKING: Ralhrang Phu Nih Khuami Pakhat An Thah Pinah Khuami Inn Inn 20 Leng An Khangh Than Hoi E

January 23, 2022: Ralhrang Phu Nih Khuami Inn Inn 20 Leng An Khangh Than Hoi E: Kani myone ah SAC ralhrang phu hna nih khuapi pakhat an thah pinah a ruang um loin khuami inn 20 leng an khangh than hoi tiah theih a si. SAC ralhrang phu ha cu nih Chindwin tiva thluang in cunglei a rak kaimi an si i, nihin January 23 ni ah Kani myone, Nat Gyi khua ah hriamnam ngan he hriamnam hme he an kah hna hnu ah,

Khua chung an lut i, khuami inn inn 20 leng an khangh hna tiah khuami pakhat nih a chim. Khit Thit Media nih a tarlangh hi a si. “Hriamnam ngan he hriamnam hme ah khua chung ah an kah i an lut. Khua ningpi in an khangh khawh lo caah inn hme deuhdeuhmi tete an khangh hna. Inndoang 20 leng an khangh” tiah Nat Gyi khuami pakhat nih a chim hi a si.

Atu hi SAC ralhrang pawl cu Nat Gyi khua in an chuak cang i mei an khanghmi inn pawl cu khuami nih thil sining zoh chih in an phalh hna tiah khuami sin in theih a si. “Mei hmit ding an i zuam. Asinpi ding dirhmun kan phan cang. Mei an hmit pah, khualeng ah an zam pah, cu ti cun mei hmit khawh an si zuam” tiah khuami pakhat nih a chim hi a si.

SAC ralhrang phu hna cu Chindwin tiva thluan an rak hrawng nak ah an duh duh in meithal an puak an kah i, Nat gyi khuami hna in an zam cia cang caah tlaih a tongmi an um rih lo tiah theih a si. Nizan January 22 ni zong ah Nat gyi khua he tiva ral ah a ummi Mu-htaw khua ah SAC ralhrang phu an lut i, inndong 10 leng mei an khangh i khuami pakhat zong an tlaih tiah theih a si.

SAC ralhrang phu nih an tlaihmi Mu-htaw khuami cu ahodah a si timi theih fian ngaingai a si rih lo tiah Khit Thit Media nih a tarlangh hi a si. SAC ralhrang phu nih khuami an hmuh khawhmi paoh an tlaihnak hi a caan a sau ngai cang. A hleice in pa an hmuhmi paohpaoh cu tlaih phung in a ruahmi an lo cang. Ref: KTM