Ralhrangbu nih nawlngeihnak an lak hnuah thing tamtuk an fir

Ralhrangbu nih nawlngeihnak an lak hnuah thing tamtuk an fir

February ni 1 Ralhrangbu nih uknak an lak hnuah a thing smuggling cu biatak tein a nung than i Thing smuggler pawl nih ramdang tiang an zuar thluahmah tiah ramchung Thing Entrepreneurpawl nih an chim.

Pago Yoma ah Taungngu, Tantaung lampi in Kaya ram tan in Thailand lei le, Rakhine Yoma ah a chuak mi Titma pawl cu Thailand lei ah an zuar tiah Pago um mi Thing Entrepreneur pakhat nih a chim.

“A tu lio cu chan hrawk mirum pawl an i lawmh lio a si. Ziikung, Nattalin, Pongtin lei Pago Yoma thing pawl ramchung hman ding bantukin Yangon, Pago, Mandalay khuapi in Tit-tama pawl nih an tuan. Taungngu, Tataung lei thing pawl cu Lweikaw – Myawady in Thai lei ah an kal pi. Kalpi nak lam zong phaisa he cheh ahcun a that cem lio a si. Mahka lei ahcun Padauk a chuak tam bik” tiah a ti.

“Kanmah bantuk ramchung chawdawrnak lawngah a hngat mi pawl nihcun mah lilampuai hi kan lut lai lo. Ralhrangbu kut ah phaisa a luh kan duh lo ruang le Mipi nih phaisa an cah lio a si caah kan ngah mi Thing pawl vun phawt thannak dingah chawlehnak a um lo ruang zong a si. Zeimaw lam pakhatkhat in ramleng ah a zuar duh mi nihcun a lut ko lai” tiah Yangon i Thing at cia mi phawt nak ah min ngei mi Timber Entrepreneur pakhat nih a chim.

NLD cozah tangah Pago Yoma Thing lak hi kum 10 chung a rak phih mi a si i, Sagaing, Rakhine Yoma Thing cu cozah rikhiah piak ningin lakter a rak si. Ralkap cozah SLORC le USDP hruainak tang zong ah khan a thli in thing lak le zuar cu a rak khap caah Thing fir mi zong tampi rak tlaih a si.

Nihin ralhrangbu nih uknak an lak hnuah a tubantuk phungning loin Thing an zuar si ahcun Enviroment lei ah harsatnak tampi kan tong lai phan a um ngai te lai tiah Timber Entrepreneur cheukhat nih an ti..

Credit The Chin Post