RALKAP COZAH ZIACHIA NING HI CU, THAWNG DIK A TIAL MI MEDIA PAWL AN PHIH KHANH HOI

SAC (Ralkap Cozah) nih Media 5 cachuahnak nawl a phih hna.Myanmar ramchung hrambunh asi mi media phunga: Mizzima, DVB, 7 Day,Myanmar Now leKhit Thit Media hna cu Ralkap cozah nih cachuahnak nawl an phih hna.State media announced that five private media: DVB, 7Day, Myanmar Now, Khit Thit and Mizzima are banned.Source – RFA;Photo-RFA

Thawngpangdang relchap;UN Sectretary general, António Guterres cabuai cung ah cakuat pahnih a phan. Pakhat cu Ambassador Kyaw Moe Tun sin in a si. Kyaw Moe Tun cu President Win Myint le Foreign Minister Aung San Suu Kyi nih Sept. 4, 2020 ah UN ambassador caah an rak thimmi, a si bantuk in, keimah hi Kawlram ambassador ka si peng rih ko i, ka peh rih ko lai tiah ca a kuat.

 A pahnihnak cu Min Aung Hlaing aiawh, State Administration Council in a si i, Kawlram ambassador Khyaw Moe Tun cu a rian in dinter a si cang caah, Kawlram Cozah a aiawh kho ti lo. Cucaah, amah dirhmun ah Myanmar’s deputy U.N. ambassador, Tin Maung Naing kha, Ambassador ah kan kaiter tiah ca an kuat ve. Asinain Tin Maung Naing nih ka cohlang hna lo tiah a facebook ah a taar colh.

Tulio hi Kawlram ah Cozah pahnih an um lio a si i, UN ah kawlram tthutnak cu ralkap maw an pek hna lai? CRPH dah timi a fiang rih lo. Secretary General cabuai ahcun cakuat pahnih cu an um ko rih. UN members vialte meeting tuah in biakhiah a hau men lai tiah biavaivuan a chuak pah.

Mipi cungah ral a thomi, ralhrang Min Aung hliang/ralkap nih mipi cu an kah hna i, minung 38 an thi cang. Cucaah, UN Security Council ah innkhar ikharkhumh in meeting an tthu tthan colh lai. Zeibantuk biachahnak dah an tuah khawh te hnga?Crd; Zasang chinzah