May 5 in Myanmar rakap (SAC) nih University le sianginn pawl on ding in timhtuahnal an ngeih caah ralkap uknak duh loin CDM a tuahmi saya/mate le siangngakchia hna nih sianginn kai lo ding in Hakha University Students Union nih forhfialnak a tuah.
“Ralkal kut tang ‘Sal Fimcawnnak System’ a cawlcangh khawh lo nakhnga ahohmanh sianginn kai loin ralkap uknak pehzul in do hna u sih,” tiah firfialnak an tuah.
The Chin Journal
Relchap: Good News: Kawl ralkap General pawl an lung ai rual ti lo, mah ti hin langhter asi..??
Civil cozah nawlngeihnak vialte an lak hnu in Ralkap nih cun cozah thar an ser i, duhlonak lantertu hna cu tuni tiang ralkap thazaang hmang in uk an si. Ralkap chung in CDM ah a lut mi zong an tam, Captain le Major rank a ngei mi ralkap hna zong CDM ah an lut thluahmah.
Ralkap le ralkap hruaitu chung in Commander-in-chief Min Aung Hlaing lei ah a tang duhlo mi hna cu khoika dah an um ti theih lo in an tlau. A tam deuh nih cun doh ngam loin an chungkhar an ruah caah zeihmanh an chim ngam lo.
General chung in Min Aung Hlaing thil tuah mi a dohtu hna cu hrem thluahmah an si. Nizaan ah khan General Ya Pyit (C in C Eastern Command ) cu ralkap headquarter ah hren asi tiah an chim, cun ralkap general dang 11 hna zong hren chih an si tiah langhter asi.
Tlaih a tong mi hna hi an zapi tein theih asi rih lo natein Gen.Ya Pyit, Lt.Gen. Nyi Nyi Swe, Maj General Maung Maung Zan le Maj General Than Oo hna cu an i tel. General Yapit hi meithal in kah hliamh asi.
Leave a Reply