Ralzam Kong Report Tawi (Capo Biatak Pah): Tlir Lian Thang

RALZAM REPORT TAWI: Mawia te khua: Kan khua ah a rak lutmi ralzam pawl cu, an sifak nain pumh an fel, an i daw,  thil phawtmi tete zong an i hoih dih hna, khuachung tlangrian tuan zongah an i tel peng. Khua an nuamh ter tuk,  kan khua ah um thai hna sehlaw kan duh, an ti.

Puii te khua: Kan khua ralzam a rak lutmi cu an dam lo tuk le i thlop bulnak zong an ngei lo. Social Media nih an hngal hna lo le bawmtu zong an ngei ve lo. An dam lo bu tein an mithmai a panh tuk. An zual caan zongah dam mithmai te an pu, zaangfak tuk an si. Bomhmi hnih khat ah an i lawm kho tuk, an ti.

Rintea te khua: Kan khua a rak lutmi ralzam cu,  ramdang lei in phaisa kuatu an ngei tuk hna. An sam siamnak le an make-up man hmanh, sifak kumkhat ei bak si. Bazar Voksa vialte ek viar in a cawk dih. Ramdang phone an chawnh nakah an i pum manh bal loh.

Voikhat te pumh hmanh ah phone a ra an ti le atu le atu an chuak thulh. An suithi nih muichia hmanh a dawhter ngai hna. Ralzam sifak bawmtu ah tang ve hna sehlaw, rawltam tampi an paw a khim ko hnga, an ti.

Sanga te khua: Kan khua ralzam a rak lutmi pawl cu, riantuan an huam loh, an tha thu tuk. An tuan caan hmanhah Lampi kam riantuan an ning a zak. Phaisa an ngeih deuh pohah an rii. Bomhnak va pek caan hmanhah lawmhnak biachim an hngal loh,  an ti. Capo biatak pah. Credit: Tlir Lian Thang