Ram thawng Japan nih China cu atih bak loh. Taiwan nan kah ah cun kah colh nan si ve lai tiin Japan nih China ahro

Japan Deputy prime minister Taro Aso nih cun “China nih Taiwan an tuk sual asi ah cun, Japanese City Okinawa hi a dot asi lai caah, raldoh nak ah US cu kan bawmh hrim hrim lai” tiah achim. Taiwan hi China nih atuk sual asi cun US nih China hi atuk hrim hrim lai. Aruang cu US nih Taiwan tuk tu hna cu zei ram paoh an si ah tuk ding hrim hrim in phung a ngeih caah asi.

Japan Deputy prime minister Taro Aso biachim mi ruangah hin China cu a thinhung tuk hringhran.

Japan hi China lak ah cun zeihmanh asi lo, thazaang angei lo. Taiwan zong hi US bawmh nak tello cun zeihmanh asi lo, Japan zong asi thiam thiam. Mah ti hin China an ti peng asi cun an mah tu nih an tuar lai tiah Global Times nih Japan athuat.

China foreign ministry spokesperson Zhao Lijian nih cun “aho hmanh nih China sovereignty an tong lai lo, China hi sovereignty humhim dingin kan thawng” tiah a chim.

Japan Deputy prime minister Taro Aso nih cun Global Times nih Japan ralrinnak apek mi cu zei ah a rel lem lo, “Japan nih kan ram hi kan hlut, kan ram venghim ding cun kan um peng” tiin aleh.