Rangoon Ah Puahnak Voi 5 Renglo A Chuah Ttih A Nung Kho Taktak

Rangoon ah puahnak voi (5) a chuak-Rangoon khualipi ah April 7, 2021 chun hnu tiang ah puahnak voi (5) a chuah tiah thawng kan theih.Zinglei sml 8 hrawng ah Alanpya Phaya (Shwedagon Phaya) Lam ah puahnak voi hnih a chuak.Chun hnu ah Minegone Dagon Centre (2) ah Sanchaung khuapi uknak zung hmai ah voi khat veve an puak. Sanchaung a puah lio ah Pansudan lei ah pakhat a puak chap tiah theih a si.Hi puahnak ruang ah minung a thi mi an um le um lo theih a si rih lo tiah Mizzima News nih a tial. Photo: Mizzima News

Thawngpang dang relchap; MIZO RAM AH MYANMAR(CHIN) RALZAM HNA THUTDIRNAK AN TAWLREL PIAK CUAHMAH HNA-Ralkap uknak tang ah cozah rian ṭuan duh loin CDM a tuahmi palik, meithat le ralkap pinah zeidang harnak ruangah India ramri tan in Mizoram a phanmi 1000 hrawng cu an si lai tiah an ruah.

Ralkap cozah nih India cozah cu vun ka kua hna tiah a rak hal i India cozah nih cun kuat a duh nain Mizoram cozah le MP hna nih fakpi in an chimrel, miharsa kan unau kan khirh hna ahcun harnak kan tong kho ti tiang in Mizoram MP C. Lalrosanga, K Vanlalvena, MNF leader and State Planning Board Vice Chairman H Rammawi le MNF adviser Rosangzuala nih Union Minister of State for Home Affairs Nityanand Rai cu tu zarh ah khan Delhi ah an va ton.

Home Affairs Minister nih an i tornak ding inn/hall damhkhan piak ne hna u a ti i atu hi biatak tein Mizo unau hna cu Muanmar(Chin) ralzam hna caah rian an ṭuan cuahmah. Nihin tiangah FARKAWN khua chung lawng ah minung 327 an i dor, i civui zawh bang khuami nih tlun inn an phawt cio hna.

Cu hna caah tu chun kha Champhai Truck Owner Association hna nih Facang tun 60, Aalu tun 10, chiti pung 10, Piat tun 2 an va pek ṭhan hna tiah Mizoram khuasa Laimi sin in kan theih.Aizawl zong cu bantuk cun an bultawl hna, hmun dangdang zong ah lumsa tein, siarem tein zohkhenhnak an tuah piak hna.Milu a lut mi an ṭhahnem cang, cucaah inn pakhat ah chungkhar 6, milu 20 leng hna an umter chung hna.

Vombuk ah minung 30 leng um khawhnak Hall kan sa cuahmah tiah hica kan ṭial lai ah an van kan thanh. Ralkap Duhlonak Langhter pah in Mizoram, India cung ah lawmhnak chim le catar zong telh chih ah a ṭha ngai hna ti a si.